ഇനി നാരങ്ങ വാങ്ങിക്കുമ്പോൾ ഇതുപോലെ അച്ചാർ തയ്യാറാക്കി നോക്കൂ

നിങ്ങളൊരു അച്ചാർ പ്രേമിയാണോ? ഭക്ഷണം കഴിയുമ്പോൾ ചില ആളുകൾക്ക് അച്ചാർ നിർബന്ധമാണ്. എങ്കിൽ ഇത്തവണ ഒരു നാരങ്ങ അച്ചാർ തയ്യാറാക്കിയാലോ?

ആവശ്യമായ ചേരുവകൾ

• നാരങ്ങ – 4 എണ്ണം
• ഉണക്ക മുളക് – 24 എണ്ണം
• ഉലുവ – 1/4 ടീ സ്പൂൺ
• കായം – ആവശ്യത്തിന്
• എള്ളെണ്ണ – ആവശ്യത്തിന്
• ഉപ്പ് – ആവശ്യത്തിന്

തയ്യാറാക്കുന്ന വിധം

നാരങ്ങ നല്ലവണ്ണം കഴുകിയ ശേഷം കോട്ടൻ തുണി ഉപയോഗിച്ച് തുടച്ചെടുക്കുക. പപ്പടം കുത്തി പോലുള്ളവ കൊണ്ട് നാരങ്ങയിൽ ചെറിയ തുളകളിട്ടു കൊടുക്കാം. ശേഷം നാരങ്ങ ബ്രൗൺ നിറമാകുന്നതു വരെ വറുത്തെടുക്കാവുന്നതാണ്. ഇവ ചൂടാറി കഴിഞ്ഞ് ചെറിയ കഷ്ണങ്ങളാക്കി മുറിക്കാം. ഉണക്ക മുളക്, ഉലുവ, കായം എന്നിവ വറുത്ത​ ശേഷം അരച്ചെടുക്കുക. എള്ളെണ്ണ ചൂടായ ശേഷം നാരങ്ങ, അരച്ച കൂട്ട് എന്നിവയിലേക്ക് ഉപ്പ് കൂടി ചേർത്ത് മിക്സ് ചെയ്തെടുക്കാം.