റാഗിംഗ് കേസുകൾ പരിഗണിക്കാൻ ഹൈക്കോടതിയിൽ പ്രത്യേക ബെഞ്ച് രൂപീകരിക്കും. നിയമസേവന അതോരിറ്റി സമർപ്പിച്ച പൊതുതാൽപ്പര്യ ഹർജി പരിഗണിച്ചാണ് ചീഫ് ജസ്റ്റിസിൻ്റെ നടപടി. സംസ്ഥാനത്ത് അടുത്തിടെ റിപ്പോര്‍ട്ട് ചെയ്ത റാഗിംഗ് കേസുകളുടെ പശ്ചാത്തലത്തിലാണ് കോടതി പുതിയ സംവിധാനം ഏർപ്പെടുത്തുന്നത്.
രണ്ടംഗ ബെഞ്ച് ആണ് സ്ഥാപിക്കുക. ഏതൊക്കെ ജഡ്ജിമാരാണ് പ്രത്യക ബെഞ്ചിൽ ഉൾപ്പെടുക എന്നതിൽ കോടതി ഇന്നു തന്നെ വിജ്ഞാപനം പുറപ്പെടുവിക്കും. പുതിയ ബെഞ്ച് നാളെ തന്നെ ആദ്യ സിറ്റിംഗ് നടത്തും. കോട്ടയം നഴ്സിംഗ് കോളേജിലെതുൾപ്പെടെ സമീപകാലത്ത് ഒട്ടേറെ റാഗിംഗ് കേസുകൾ ഹൈക്കോടതിയിൽ എത്തിയിരുന്നു.