തിരുവനന്തപുരം: ഇന്ന് രണ്ട് ജില്ലയിൽ താപനില 38 ഡിഗ്രി സെൽഷ്യസ് വരെ ഉയർന്നേക്കുമെന്ന് കേന്ദ്ര കാലാവസ്ഥാവകുപ്പ് അറിയിച്ചു. തൃശൂരും പാലക്കാടുമാണ് 38 ഡിഗ്രിവരെ ചൂട് കൂടുന്നത്. കൊല്ലം, പത്തനംതിട്ട, കോട്ടയം, എറണാകുളം, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ താപനില 37 ഡിഗ്രി സെൽഷ്യസ് വരെയും തിരുവനന്തപുരത്തും ആലപ്പുഴയിലും 36 ഡിഗ്രിവരെയും ഉയരാൻ സാധ്യതയുണ്ട്. ചൊവ്വാഴ്ച പാലക്കാട്‌, പത്തനംതിട്ട, തൃശൂർ ജില്ലകളിലാണ് ഉയർന്ന ചൂട് രേഖപ്പെടുത്തി. സംസ്ഥാനത്ത് ഉയർന്ന ചൂട് രേഖപ്പെടുത്തിയത് വെള്ളാണിക്കരയിലാണ്‌, 39 ഡിഗ്രി സെൽഷ്യസ്.