വെറൈറ്റി ദോശ ട്രൈ ചെയ്യാൻ ആഗ്രഹിക്കുന്നവരാണോ? എങ്കിൽ ഇതാ ഒരു ദോശ റെസിപ്പി

വെറൈറ്റി ദോശകൾ ട്രൈ ചെയ്യാൻ ആഗ്രഹിക്കുന്നവരാണോ നിങ്ങൾ? എങ്കിൽ നിങ്ങള്കക്കായിതാ ഒരു കിടിലൻ ദോശ റെസിപ്പി. രുചികരമായ സേമിയ ദോശ തയ്യാറാക്കുന്നത് എങ്ങനെയെന്ന് നോക്കാം.

ആവശ്യമായ ചേരുവകൾ

• സേമിയ (വേവിച്ചത്) – 1 കപ്പ്
• ഗോതമ്പ് പൊടി – അര കപ്പ്
• അരിപൊടി – കാൽ കപ്പ്
• മൈദ – അര കപ്പ്
• കാരറ്റ് – അര കഷ്ണം
• ഉള്ളി – ഒന്നിന്റെ പകുതി
• അണ്ടിപരിപ്പ് – 5 എണ്ണം
• ബദാം – 5 എണ്ണം
• എള്ള് – ആവശ്യത്തിന്
• ഉപ്പ് – ആവശ്യത്തിന്
• നെയ്യ് – ആവശ്യത്തിന്

തയാറാക്കുന്ന വിധം

സേമിയ വേവിച്ചത്, അരിപൊടി, ഗോതമ്പ് പൊടി, മൈദ പൊടി എന്നിവ ആവശ്യത്തിന് വെള്ളം ചേർത്ത് മാവ് രൂപത്തിലാക്കുക. ഇതിലേക്ക് ഉള്ളി, കാരറ്റ്, അണ്ടിപ്പരിപ്പ്, ബദാം എന്നിവ മിക്സിയിൽ അടിച്ച് ചേർക്കുക. ആവശ്യത്തിന് ഉപ്പ് ചേർക്കുക. ഇങ്ങനെ തയാറാക്കിയ മാവിലേക്ക്‌ കുറച്ച് എള്ള് കൂടെ ചേർത്ത് നന്നായി ഇളക്കുക. പാനിൽ അൽപം നെയ്യ് പുരട്ടി ദോശ ചുട്ടെടുക്കാം.