അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്നും ചിക്കനും ബീഫുമൊക്കെ വെച്ചല്ലേ കട്ലറ്റ് ഉണ്ടാക്കുന്നത്? ഇന്ന് അല്പം വ്യത്സ്യതമായി ചെമ്മീൻ വെച്ച് ഒരു കട്ലറ്റ് ഉണ്ടാക്കിയാലോ? കിടിലൻ സ്വാദിൽ വളരെ എളുപ്പത്തിൽ തയ്യാറാക്കാവുന്ന ഒരു റെസിപ്പി.
ആവശ്യമായ ചേരുവകൾ
- ചെമ്മീൻ
- ഉപ്പ്
- മഞ്ഞൾപ്പൊടി
- ഗരംമസാല
- ഇഞ്ചി
- പച്ചമുളക്
- ഉരുളക്കിഴങ്ങ്
- സവാള
- മല്ലിയില
- നാരങ്ങ
- റവ
- മുട്ട
തയ്യാറാക്കുന്ന വിധം
ഒരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കിയതിലേയ്ക്ക് രണ്ടോ മൂന്നോ സവാള ചെറുതായി അരിഞ്ഞത് ചേർത്ത് വഴറ്റുക. ആറോ എട്ടോ വെളുത്തുള്ളി അല്ലിയും അൽപ്പം ഇഞ്ചിയും, രണ്ടോ മൂന്നോ പച്ചമുളകും അരച്ചത് ഒരു ടേബിൾസ്പൂൺ ഇതിലേയ്ക്ക് ചേർത്തിളക്കുക. ശേഷം ഒരു ടേബിൾ സ്പൂൺ ഗരം മസാല, അര ടീസ്പൂൺ മഞ്ഞൾപ്പൊടി, ആവശ്യത്തിന് ഉപ്പ് എന്നിവയും, നന്നായി കഴുകി വൃത്തിയാക്കിയ ചെമ്മീൻ അരച്ചത് ഒരു കപ്പും ചേർത്തിളക്കുക.
മറ്റൊരു ബൗളിലേയ്ക്കിതു മാറ്റി രണ്ട് ഉരുഴക്കിഴങ്ങ് വേവിച്ചതും, അൽപ്പം മല്ലിയിലയും, ഒരു നാരങ്ങ പകുതി പിഴിഞ്ഞ നീരും ചേർത്തിളക്കുക. ഒരു പാൻ അടുപ്പിൽ വെച്ച് ആവശ്യത്തിന് എണ്ണയൊഴിച്ച് തയ്യാറാക്കിയ മാവ് ഇഷ്ട്ടപ്പെട്ട ആകൃതിയിൽ ഉരുട്ടി ബ്രെഡ് പൊടിച്ചതിലും ( അല്ലെങ്കിൽ റവ) ഒന്നോ രണ്ടോ മുട്ട പൊട്ടിച്ചൊഴിച്ചതിലും മുക്കി എണ്ണയിൽ വറുത്തെടുക്കാം. ചൂടേടെ കഴിക്കാൻ അടിപൊളിയാണീ ചെമ്മീൻ കട്ലറ്റ്.
