ചിക്കൻ വട കഴിച്ചിട്ടുണ്ടോ കിടിലൻ ആണ്

ചേരുവകൾ:-

ചിക്കൻ- 1/2 kg എല്ലില്ലാത്തത്

കടലപ്പരിപ്പ്- 50 gm

ചെറുപയർ പരിപ്പ്- 50 gm

സവാള- 1 എണ്ണം

ഗരം മസാല- 1/2 tsp

മഞ്ഞൾപ്പൊടി- 1/2 tsp

പെരുംജീരകം- 1 tsp

ഇഞ്ചി, വെളുത്തുള്ളി പേസ്റ്റ്- 2 tsp

ഉണക്കമുളക്- 4 എണ്ണം

പച്ചമുളക്- 4 എണ്ണം

പെരും ജീരകം – 2tsp

കറിവേപ്പില, മല്ലിയില- ആവശ്യത്തിന്

തയ്യാറാക്കുന്ന വിധം:-

കടലപ്പരിപ്പും ചെറുപയർ പരിപ്പും രണ്ട് മണിക്കൂർ വെള്ളത്തിൽ കുതിർക്കുക. ഉണക്കമുളകും അതിനൊപ്പം കുതിർത്തു വയ്ക്കുക. ഇവ വെളളം കളഞ്ഞ് മാറ്റി വയ്ക്കണം. ചിക്കൻ മഞ്ഞൾപ്പൊടി ഇട്ട് മിക്സിയിൽ അരച്ചെടുക്കുക.

ഇതിനൊപ്പം കുതിർത്ത പരിപ്പുകളും ഇട്ട് അരയ്ക്കാം. ഈ പേസ്റ്റിലേക്ക് ഉണക്കമുളക്, ബാക്കി പൊടികൾ, ഇഞ്ചി വെളുത്തുള്ളി പേസ്റ്റ്, പച്ചമുളകും സവാളയും അരിഞ്ഞത്, എന്നവ ചേർക്കാം. പാകത്തിന് ഉപ്പും,പെരും ജീരകവും ചേർത്ത് വടയുടെ ആകൃതിയിൽ എണ്ണയിൽ പൊരിച്ചെടുക്കുക.