സർവകലാശാല നിയമഭേദഗതി രണ്ടാം ബില്ലിന് മുൻകൂർ അനുമതി നൽകി ഗവർണർ രാജേന്ദ്ര അര്‍ലേകര്‍. കുസാറ്റ്, കെടിയു, മലയാളം സർവകലാശാല നിയമ ഭേദഗതി ബില്ലിനാണു നിയമസഭയിൽ അവതരിപ്പിക്കാൻ മുൻകൂർ അനുമതി നൽകിയത്. ഈ മാസം 20നായിരിക്കും ഈ ബില്ലിന്‍റെ അവതരണം. നേരത്തെ മുൻകൂർ അനുമതി നൽകാത്തതിനാൽ ഈ ബില്ലിന്‍റെ അവതരണം സർക്കാർ മാറ്റിവെച്ചിരുന്നു.
കഴിഞ്ഞ ദിവസം നിയമമന്ത്രി രാജ്ഭവനിലെത്തി ഗവർണറോട് വിശദീകരണം നൽകിയിരുന്നു. ഇതിനുപിന്നാലെയാണ് ഗവര്‍ണര്‍ രണ്ടാം ബില്ലിന് മുൻകൂര്‍ അനുമതി നൽകിയത്. ചാൻസ്ലറുടെ അധികാരം വെട്ടിക്കുറക്കുന്നു, പ്രോ ചാൻസ്ലറായ ഉന്നതവിദ്യാഭ്യാസമന്ത്രിക്ക് ബില്ലിൽ കൂടുതൽ അധികാരം നൽകുന്നു തുടങ്ങിയ പരാതികൾ നേരത്തെ ഉയർന്നിരുന്നു.
STORY HIGHLIGHT: governor rajendra arlekar gives approval