അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകീട്ട് നോമ്പ് തുറക്കുമ്പോൾ കഴിക്കാൻ കിടിലൻ സ്വാദിലൊരു ഉള്ളിവട തയ്യാറാക്കിയാലോ? വളരെ എളുപ്പത്തിൽ തയ്യാറാക്കാവുന്ന ഒരു റെസിപ്പി.
ആവശ്യമായ ചേരുവകൾ
- സവാള നീളത്തിലരിഞ്ഞത് – 2 എണ്ണം
- ഇഞ്ചി കൊത്തിയരിഞ്ഞത് – 1 ടീസ്പൂൺ
- പച്ചമുളക് വട്ടത്തിലരിഞ്ഞത് – ഒരെണ്ണം
- ഉപ്പ് – ആവശ്യത്തിന്
- മഞ്ഞൾ പൊടി – ¼ ടീസ്പൂൺ
- മുളകുപൊടി – 1 ടീസ്പൂൺ
- കടലപ്പൊടി – 4 ടേബിൾസ്പൂൺ
- മൈദ – 2 ടേബിൾസ്പൂൺ
- അരിപ്പൊടി – 1 ടേബിൾസ്പൂൺ
- കായപ്പൊടി – ¼ ടീസ്പൂൺ
- ഓയിൽ – വറുക്കുന്നതിന്
തയാറാക്കുന്ന വിധം
ഒരു പാത്രത്തിൽ സവാള, ഇഞ്ചി, പച്ചമുളക് എന്നിവ അരിഞ്ഞതും ഉപ്പ്, മഞ്ഞൾപ്പൊടി, മുളകുപൊടി എന്നിവയും ചേർത്ത് കൈ കൊണ്ട് നന്നായി കൂട്ടിയോജിപ്പിക്കാം. ഇതിലേക്ക് കടലപ്പൊടി, മൈദ, അരിപ്പൊടി, കായപ്പൊടി എന്നിവ ചേർത്ത് യോജിപ്പിച്ച് എടുക്കാം. അതിന് ശേഷം കൈ വെള്ളത്തിൽ നനച്ചശേഷം മാവിൽ നിന്നും കുറേശ്ശേ എടുത്ത് ഉരുട്ടി വിരലുകൊണ്ടു പതുക്കെ അമർത്തി കൊടുത്തശേഷം ചൂടായി കിടക്കുന്ന എണ്ണയിലേക്ക് ഇടാം. രണ്ടുവശവും ഒരുപോലെ മൊരിയുന്നതിനായി ഇടയ്ക്കിടയ്ക്കു തിരിച്ചും മറിച്ചും ഇട്ടുകൊടുത്ത് ഇടത്തരം തീയിൽ വറുത്തു കോരാം.
