ഒരു ഹെൽത്തി ഓംലെറ്റ് തയ്യാറാക്കിയാലോ?

മുരിങ്ങയിലവെച്ച് ഒരുഗ്രൻ ഓംലെറ്റ് തയ്യാറാക്കിയാലോ? വളരെ ഹെൽത്തിയായി തയ്യാറാക്കാൻ പറ്റുന്ന ഒരു ഓംലെറ്റ് റെസിപ്പി നോക്കാം.

ആവശ്യമായ ചേരുവകൾ

• മുട്ട – 3
• മുരിങ്ങയില – ഒരു കപ്പ്
• സവാള– 1/2
• ഇഞ്ചി–1 ടേബിൾസ്പൂൺ
• പച്ചമുളക് – 2
• ഉപ്പ്
• ഉണക്ക മുളക് ചതച്ചത്– എരിവ് അനുസരിച്ച്
• വെളിച്ചെണ്ണ – 2 ടേബിൾസ്പൂൺ

തയാറാക്കുന്ന വിധം

മുട്ട പൊട്ടിച്ച് ഒഴിച്ച് ഉപ്പ് ഇട്ട് 5 മിനിട്ട് ബീറ്റു ചെയ്യുക. മുരിങ്ങ ഇല ചേർത്ത് യോജിപ്പിക്കുക അതിലേക്ക് ചെറുതായി അരിഞ്ഞ സാവാള ഇഞ്ചി പച്ചമുളക് ചേർത്ത് നന്നായി ഇളക്കുക. പാനിൽ വെളിച്ചെണ്ണ ഒഴിച്ച് ചൂടായാൽ മുട്ടക്കൂട്ട് ഒഴിക്കുക. പകുതി വേവാകുമ്പോൾ ക്രഷ്ഡ് ചില്ലി വിതറുക. അൽപം സവാളയും ചേർത്ത് വെന്താൽ ചൂടോടെ കഴിക്കാം.