അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഓട്‌സ് കഴിയ്ക്കാന്‍ മടിയുള്ളവരാണോ? എന്നാൽ രുചികരമായ രീതിയില്‍ പച്ചക്കറികളും മസാലകളും ചേര്‍ത്ത് ഒരു മസാല ഓട്‌സ് തയ്യാറാക്കിയാലോ.
ചേരുവകൾ
- റോള്‍ഡ് ഓട്‌സ് – ഒരു കപ്പ്
- ഉപ്പ് – പാകത്തിന്
- ജീരകം – ഒരു നുള്ള്
- മഞ്ഞപ്പൊടി – അര ടീസ്പൂണ്‍
- ഗരം മസാല – മൂന്ന് ടീസ്പൂണ്‍
- ഓയില്‍ – ഒരു ടീസ്പൂണ്‍
- സവാള അരിഞ്ഞത് -1
- ക്യാരറ്റ് അരിഞ്ഞത് -1
- തക്കാളി അരിഞ്ഞത് – 2
- ഗ്രീന്‍ പീസ് – അരക്കപ്പ്
- പച്ചമുളക് – 2
തയ്യാറാക്കുന്ന വിധം
ഒരു കടായി ചൂടാക്കി എണ്ണ ഒഴിക്കുക. അതിലേയ്ക്ക് ജീരകമിട്ട് പൊട്ടിക്കണം. ശേഷം അതിലേയ്ക്ക് അരിഞ്ഞവെച്ച സവാള, പച്ചമുളക് എ്ന്നിവ ചേര്‍ത്ത് നന്നായി വഴറ്റുക. അതിലേയ്ക്ക് തക്കാളി, ക്യാരറ്റ് , മഞ്ഞപ്പൊടി,ഗരം മസാല എന്നിവ ചേര്‍ത്ത് നന്നായി ഉളക്കുക. ഇതിലേക്ക് വെള്ളം ചേര്‍ത്ത് നന്നായി തിളപ്പിച്ച് . ചെറിയ തീയില്‍ വേവിക്കാം. എല്ലാം നന്നായി വെന്തു വരുമ്പോള്‍ ഉപ്പ് ചേര്‍ക്കാം. ശേഷം ഇതിലേയ്ക്ക് ഓട്‌സും ഗ്രീന്‍പീസും ചേര്‍ത്തുകൊടുക്കണം. പാകത്തിന് വെന്തുവരുംമ്പോൾ തീയണയ്ക്കാം.
STORY HIGHLIGHT: masala oats
