അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വയോധികയുടെ സ്വർണ മാല പൊട്ടിച്ച ശേഷം കടന്നുകളഞ്ഞ പ്രതികൾ പിടിയിലായി. തിരുവനന്തപുരം ചെങ്കൽ മര്യാപുരം ശിവപാർവ്വതി ക്ഷേത്രത്തിനു സമീപം ഇറപ്പക്കാണി പൊറ്റയിൽ വീട്ടിൽ മനോജ് (31), പെരുമ്പഴുതൂർ വട കോട് തളിയാഴ്ചൽ സ്വദേശി ജയൻ എന്നു വിളിക്കുന്ന ജയകൃഷ്ണൻ (42) എന്നിവരെയാണ് കഴിഞ്ഞ ദിവസം രാത്രിയോടെ വിഴിഞ്ഞം പൊലീസ് പിടികൂടിയത്. രാവിലെ 11 മണിയോടെ പയറ്റുവിള കണ്ണറവിള റോഡിലായിരുന്നു ഈ സംഭവം നടന്നത്.
ബൈക്കിലെത്തിയ രണ്ട് പ്രതികളും ചേർന്ന പയറ്റുവിള കിഴക്കരുക് പുത്തൻവീട്ടിൽ കമലാക്ഷി (80 )യുടെ ഒന്നേകാൽ പവന്റെ മാല പൊട്ടിച്ച് കടന്നു കളയുകയായിരുന്നു. തുടർന്ന് പൊലീസിൽ പരാതി നൽകി. പ്രദേശത്തെ സി.സി.ടി.വി ക്യാമറകൾ കേന്ദ്രീകരിച്ച് നടത്തിയ അന്വേഷണത്തിലാണ് പൊലീസിന് കഴിഞ്ഞ ദിവസം രണ്ട് പ്രതികളെയും പിടികൂടാനായത്.
