അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജാപ്പനീസ് ജനപ്രിയ വാഹന ബ്രാൻഡായ ഹോണ്ട മോട്ടോർസൈക്കിൾ ആൻഡ് സ്‍കൂട്ടർ ഇന്ത്യ 2025 CB350 ശ്രേണി പുറത്തിറക്കി. ഇതിൽ CB350 ഹൈനെസ്, CB350, CB350RS എന്നീ മോഡലുകൾ ഉൾപ്പെടുന്നു. ഒബിഡി-2B ആവശ്യകതകൾ നിറവേറ്റുന്നതിനായി നവീകരിച്ച എഞ്ചിനുകളാണ് മോഡേൺ-ക്ലാസിക് നിരയിലുള്ളത്. പുതുക്കിയ രൂപഭാവത്തിനായി ഹോണ്ട പുതിയ കളർ ഓപ്ഷനുകളും അവതരിപ്പിച്ചിട്ടുണ്ട്. 2025 ഹോണ്ട CB350 ശ്രേണിയുടെ വില രണ്ട് ലക്ഷം മുതൽ 2.19 ലക്ഷം വരെയാണ് എക്സ്-ഷോറൂം വില. പ്രീമിയം ബിഗ് വിംഗ് ഡീലർഷിപ്പുകൾ വഴിയാണ് ഇത് വിൽക്കുന്നത്.
2025 ഹോണ്ട CB350 ഹൈനെസ്
2025 CB350 ഹൈനെസ് പുതിയ കളർ ഓപ്ഷനുകളിൽ 3 വേരിയന്റുകളിലാണ് പുറത്തിറക്കിയിരിക്കുന്നത്. ഡിസൈനിൽ മാറ്റങ്ങളൊന്നും വരുത്തിയിട്ടില്ല. ഒബിഡി-2ബി മാനദണ്ഡങ്ങൾ പാലിക്കുന്ന അതേ 348 സിസി സിംഗിൾ സിലിണ്ടർ എയർ-കൂൾഡ് എഞ്ചിനാണ് ബൈക്കിന് കരുത്ത് പകരുന്നത്. ഈ എഞ്ചിൻ 20.7 bhp കരുത്തും 29.4 Nm torque ഉം ഉത്പാദിപ്പിക്കുന്നു. ബൈക്കിന് അഞ്ച് സ്പീഡ് ഗിയർബോക്‌സ് ലഭിക്കുന്നു. ടെലിസ്കോപ്പിക് ഫ്രണ്ട് ഫോർക്കുകളും പിൻ ഹാൻഡിൽ സസ്പെൻഷൻ ഡ്യൂട്ടികളിൽ ഇരട്ട ഷോക്കുകളും. 2025 ഹോണ്ട CB350 ഹൈനെസിന് 2.11 ലക്ഷം രൂപ മുതൽ 2.16 ലക്ഷം വരെ എക്സ്-ഷോറൂം വിലയുണ്ട്.
2025 ഹോണ്ട CB350
പഴയകാല ക്ലാസിക് സ്റ്റൈലിംഗിൽ ഒരുങ്ങുന്ന 2025 CB350 ന് DLX, DLX പ്രോ എന്നീ രണ്ട് വേരിയന്റുകളിലും പുതിയ കളർ ഓപ്ഷനുകൾ ലഭിക്കുന്നു. 2025 ഹോണ്ട CB350, OBD-2B മാനദണ്ഡങ്ങൾ പാലിച്ച അതേ 348 സിസി സിംഗിൾ-സിലിണ്ടർ എയർ-കൂൾഡ് മോട്ടോർ എഞ്ചിനാണ് ഉപയോഗിക്കുന്നത്. ഈ എഞ്ചിൻ 20.7 bhp പവറും 29.4 Nm പീക്ക് ടോർക്കും ഉത്പാദിപ്പിക്കുന്നു. സ്ലിപ്പ്-ആൻഡ്-അസിസ്റ്റ് ക്ലച്ച് സഹിതം 5-സ്പീഡ് ഗിയർബോക്‌സുമായി എഞ്ചിൻ ബന്ധിപ്പിച്ചിരിക്കുന്നു. എക്സ്-ഷോറൂം വില 2 ലക്ഷം രൂപ മുതൽ 2.18 ലക്ഷം വരെ എത്തുന്നു.
2025 ഹോണ്ട CB350RS
2025 CB350RS ഒരു സ്‌ക്രാംബ്ലർ സ്റ്റൈൽ ബൈക്കാണ്. ഈ മോഡൽ കൂടുതൽ സ്‌പോർട്ടി ലുക്കിലാണ് വരുന്നത്. ഇതിൽ പുതിയ കളർ ഓപ്ഷനുകളും ഉണ്ട്. ബൈക്കിന്റെ രൂപകൽപ്പനയിൽ മാറ്റമില്ല. എഞ്ചിനും പവറും ഒന്നുതന്നെയാണ്. നവീകരണത്തിന്റെ ഭാഗമായി ബൈക്കിന് സിംഗിൾ സീറ്റ്, പൂർണ്ണ എൽഇഡി ലൈറ്റിംഗ്, സെമി ഡിജിറ്റൽ ഇൻസ്ട്രുമെന്റ് കൺസോൾ എന്നിവയും അതിലേറെയും ലഭിക്കുന്നു. ഇത് CB350 ഹൈനെസിനെക്കാൾ ഏകദേശം ഒരുകിലോഗ്രാം ഭാരം കുറവാണ്. പുതുക്കിയ ഹോണ്ട CB350RS-ന് 2.16 ലക്ഷം മുതൽ 2.19 ലക്ഷം രൂപ വരെയാണ് എക്സ്-ഷോറൂം വില.
ഇന്ത്യയിലെ 350 സിസി സെഗ്‌മെന്റിൽ ഹോണ്ടയ്ക്ക് പ്രസക്തി നിലനിർത്താൻ ഈ പുതുക്കൽ സഹായിക്കും. എന്നാൽ പ്രകടനത്തിലെ ആ ചെറിയ മാറ്റം ബൈക്കിന്റെ റൈഡ് സ്വഭാവത്തെ എങ്ങനെ ബാധിക്കും എന്നത് കണ്ടറിയണം. പുതിയ ജാവ FJ, പുതുക്കിയ റോയൽ എൻഫീൽഡ് ക്ലാസിക് 350 തുടങ്ങിയ മോഡലുകൾ ഈ ഹോണ്ട ബൈക്കുകളുടെ എതിരാളികളാണ്.
content highlight: Honda new model
