അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പൈവളിഗയില് പതിനഞ്ചുകാരിയേയും അയല്വാസിയേയും മരിച്ച നിലയില് കണ്ടെത്തിയ സംഭവത്തില് ഞെട്ടല് മാറാതെ പ്രദേശവാസികള്. സംഭവത്തിൽ കൂടുതൽ വിവരങ്ങൾ പുറത്ത്. ഇരുവരും തമ്മിൽ സൗഹൃദത്തിലായിരുന്നു എന്നാണ് വിവരം. ഇരുവരും ഒരുമിച്ചുള്ള 92 ചിത്രങ്ങൾ യുവാവ് കർണാടകയിലുള്ള ബന്ധുവിന് അയച്ചുകൊടുത്തിരുന്നതായും പോലീസ് അറിയിച്ചു. എന്നാൽ പോലീസ് കൃത്യമായ തിരച്ചിൽ അന്ന് നടത്താത്തതിനാലാണ് മൃതദേഹം കണ്ടെത്താൻ കഴിയാതിരുന്നതെന്നും വിമർശനം ഉയരുന്നുണ്ട്.
ഫെബ്രുവരി 12ന് കാണാതായ പെണ്കുട്ടിക്കായി 26ഓളം ദിവസം കുടുംബവും പ്രദേശവാസികളും തിരച്ചില് ഊര്ജിതമാക്കിയിരുന്നു. ഇതിനിടെയാണ് വീട്ടില് നിന്ന് 200 മീറ്റര് അകലെ കുട്ടിയേയും അയല്വാസിയായ പ്രദീപിനേയും മരിച്ചനിലയില് കണ്ടെത്തുന്നത്. തങ്ങള് ഉറക്കമുണര്ന്നപ്പോള് മകള് വീട്ടിലുണ്ടായിരുന്നില്ലെന്നാണു പിതാവ് പോലീസിനു നല്കിയ പരാതിയിൽ പറയുന്നത്. പിതാവിന്റെ ചികിത്സാ ആവശ്യങ്ങള്ക്കുള്പ്പെടെ വീട്ടിലേക്ക് മറ്റ് ആവശ്യങ്ങള്ക്കും ഓട്ടോ ഡ്രൈവറായ പ്രദീപാണ് എത്തിയിരുന്നത്.
ടവര് ലൊക്കേഷന് കണ്ടെത്തിയത് വീടിന് സമീപമുള്ള കാട്ടിലായിരുന്നു. ഇതോടെ ഈ പ്രദേശം കേന്ദ്രീകരിച്ച് നാട്ടുകാര് തിരച്ചില് ഊര്ജിതമാക്കിയിരുന്നു. 90 ഏക്കര് വിസ്തൃതിയുള്ള കാട്ടില് പ്രദേശവാസികള് നടത്തിയ തിരച്ചിലിലാണ് ഇരുവരുടേയും മൃതദേഹം കണ്ടെത്തിയത്. മൃതദേഹത്തിന് സമീപം ഇരുവരുടെയും മൊബൈല് ഫോണുകളും ഒരു കത്തിയും കിറ്റ്കാറ്റ് കവറും കണ്ടെത്തിയിട്ടുണ്ട്. വിഷയത്തില് പൊലീസ് അന്വേഷണം പുരോഗമിക്കുകയാണ്.
STORY HIGHLIGHT: kasargod minor girl and neighbour found dead case
