ജാപ്പനീസ് വിപണിയിലെ ഏറ്റവും ജനപ്രിയമായ കെയ് കാറുകളിൽ ഒന്നാണ് സുസുക്കി വാഗൺആർ. നിലവിൽ ആറാം തലമുറയിലുള്ള ഈ ഹാച്ച്ബാക്ക്, ഒരു പൂർണ്ണ ഹൈബ്രിഡ് പവർട്രെയിനുമായി അടുത്ത തലമുറയിലേക്ക് പ്രവേശിക്കാൻ ഒരുങ്ങുകയാണ് എന്നാണ് പുതിയ റിപ്പോർട്ടുകൾ. പുതിയ വാഗൺആറിൽ സുസുക്കിയുടെ ഹൈബ്രിഡ് പവർട്രെയിൻ ലഭിക്കും എന്നും റിപ്പോർട്ടുകൾ പറയുന്നു. ഇതിൽ 660 സിസി പെട്രോൾ എഞ്ചിനും ഒരു ഇലക്ട്രിക് മോട്ടോറും ഉൾപ്പെടുന്നു. ഇത് യഥാക്രമം 58Nm 54PS കരുത്തും 29Nm 10PS കരുത്തും ഉത്പാദിപ്പിക്കുന്നു. ജപ്പാൻ-സ്പെക്ക് സുസുക്കി സോളിയോയിലും ഇതേ പവർട്രെയിൻ സജ്ജീകരണം നൽകിയിരിക്കുന്നു.
ജപ്പാനിൽ, സുസുക്കി സോളിയോ 1.2L, 4-സിലിണ്ടർ DOHC വിവിടി കെ12C പെട്രോൾ എഞ്ചിൻ, WA05A AC സിൻക്രണസ് മോട്ടോർ എന്നിവയിലും ലഭ്യമാണ്. ഈ എഞ്ചിൻ യൂണിറ്റ് പരമാവധി 90bhp പവറും 118Nm ടോർക്കും പുറപ്പെടുവിക്കുന്നു, അതേസമയം ഇലക്ട്രിക് മോട്ടോർ 3bhp ഉം 50Nm ടോർക്കും ഉത്പാദിപ്പിക്കുന്നു. ട്രാൻസ്മിഷൻ ഓപ്ഷനുകളിൽ e-CVT, AGS എന്നിവ ഉൾപ്പെടുന്നു.
പുതിയ സുസുക്കി വാഗൺആറിന് അകത്തും പുറത്തും ചില പ്രധാന മാറ്റങ്ങൾ വരുത്തും. പരമ്പരാഗത പിൻ വാതിലുകൾക്ക് പകരം സ്ലൈഡിംഗ് ഡോറുകൾ ഹാച്ച്ബാക്കിൽ ലഭിക്കുമെന്നാണ് റിപ്പോർട്ടുകൾ. സീറ്റുകൾ ഒന്നിലധികം കസ്റ്റമൈസേഷൻ ഓപ്ഷനുകളുമായാണ് വരുന്നത്. അളവുകളുടെ കാര്യത്തിൽ, പുതിയ മോഡലിന് 3,395 എംഎം നീളവും 1,475 എംഎം വീതിയും 1,650 എംഎം ഉയരവും 2,460 എംഎംവീൽബേസും ഉണ്ടായിരിക്കും.
സുസുക്കി പുതിയ വാഗൺആറിൽ ചില പുതിയ ഫീച്ചറുകളും ഉൾപ്പെടുത്തും. സ്‍മാർട്ട്‌ഫോൺ കണക്റ്റിവിറ്റിയുള്ള ടച്ച്‌സ്‌ക്രീൻ ഇൻഫോടെയ്ൻമെന്റ്, ഓട്ടോമാറ്റിക് ക്ലൈമറ്റ് കൺട്രോൾ, പിൻ സീറ്റ് എയർ വെന്റുകൾ, ഒന്നിലധികം കപ്പ് ഹോൾഡറുകളും ഡോർ പോക്കറ്റുകളും, സീറ്റിനടിയിലെ സ്റ്റോറേജ് ട്രേകൾ, മാനുവലായി ക്രമീകരിക്കാവുന്ന മുൻ സീറ്റുകൾ, സ്ലൈഡിംഗ്, റീക്ലൈനിംഗ് പിൻ സീറ്റുകൾ, ഫാബ്രിക് സീറ്റ് അപ്ഹോൾസ്റ്ററി, ഡ്യുവൽ എയർബാഗുകൾ (സ്റ്റാൻഡേർഡായി), ഇബിഡിയുള്ള എബിഎസ്, ഡ്രൈവർ അസിസ്റ്റൻസ് സിസ്റ്റം, പിൻ പാർക്കിംഗ് ക്യാമറ, പാർക്കിംഗ് സെൻസറുകൾ എന്നിവ ഹാച്ച്ബാക്കിൽ നിലവിൽ ലഭ്യമാണ്.
ഈ കാർ ഈ വർഷം ആദ്യം ജപ്പാനിൽ പുറത്തിറങ്ങും. അതേസമയം ഈ പുതിയ വാഗൺ ആർ ഇന്ത്യയിലേക്ക് എത്തുമോ എന്ന കാര്യം വ്യക്തമല്ല. ഇന്ത്യൻ വിപണിയെ സംബന്ധിച്ചിടത്തോളം, പുതിയ താങ്ങാനാവുന്ന ഹൈബ്രിഡ് സംവിധാനത്തിൽ പ്രവർത്തിക്കുന്നുണ്ടെന്ന് മാരുതി നേരത്തെ വ്യക്തമാക്കിയിരുന്നു. വാഗൺആർ, സ്വിഫ്റ്റ്, ഡിസയർ, ഫ്രോങ്ക്സ് തുടങ്ങിയ ചെറിയ കാറുകൾക്ക് ഇത് ഉപയോഗിക്കും. മാരുതിയുടെ താങ്ങാനാവുന്ന ഹൈബ്രിഡ് സജ്ജീകരണം 1.2 ലിറ്റർ, 3 സിലിണ്ടർ പെട്രോൾ എഞ്ചിനിലും ഉപയോഗിക്കും. ടൊയോട്ടയിൽ നിന്ന് മാരുതിക്ക് ഹൈബ്രിഡ് സാങ്കേതികവിദ്യ ലഭിക്കാൻ സാധ്യതയുണ്ടെങ്കിലും, മാരുതിയുടെ ചെറുകാറുകൾക്ക് ഇത് ചെലവേറിയതായിരിക്കും. അതുകൊണ്ടാണ് മാരുതി സ്വന്തമായി സ്വന്തം ചെലവ് കുറഞ്ഞ ഹൈബ്രിഡ് മോഡൽ വികസിപ്പിക്കുന്നത്.
content highlight: new-suzuki-wagon-r-will-launch-soon-