അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഗർഭിണിയായ 32 വയസ്സുകാരിയെ പ്രായപൂർത്തിയാകാത്ത മകന്റെ മുന്നിൽ വച്ച് ബലാത്സംഗം ചെയ്ത പോലീസ് കോൺസ്റ്റബിൾ അറസ്റ്റിൽ. രാജസ്ഥാനിലെ സങ്കാനെർ പൊലീസ് സ്റ്റേഷനിലെ കോൺസ്റ്റബിളായ ഭാഗ റാം ആണ് യുവതിയെ ബലാത്സംഗം ചെയ്തത്. അയൽക്കാരൻ മർദിച്ചതുമായി ബന്ധപ്പെട്ടു നൽകിയ പരാതിയിൽ മൊഴി നൽകാൻ എത്തിയതായിരുന്നു യുവതി.
അയൽവാസിക്കെതിരായ പരാതിയിൽ മൊഴി രേഖപ്പെടുത്താൻ തന്നോടൊപ്പം സ്റ്റേഷനിലേക്കു വരണമെന്നു യുവതിയുടെ വീട്ടിലെത്തിയ ഭാഗ റാം ആവശ്യപ്പെട്ടു. തുടർന്നു യുവതിയെയും മകനെയും സ്റ്റേഷനിലേക്ക് എത്തിക്കുന്നതിനു പകരം ഹോട്ടലിലേക്കു കൊണ്ടുപോയി. അവിടെവച്ചു യുവതിയെ രാത്രിവരെ തുടർച്ചയായി ബലാത്സംഗം ചെയ്യുകയും ഭീഷണിപ്പെടുത്തുകയും ചെയ്തിരുന്നു.
അന്നു രാത്രി തന്നെ യുവതി പോലീസ് കമ്മിഷണർ ബിജു ജോർജ് ജോസഫിനെ കണ്ടു പരാതി നൽകുകയായിരുന്നു. പോലീസുകാരനെതിരെ ബലാത്സംഗം, ബ്ലാക്ക്‌മെയിലിങ്, തട്ടിക്കൊണ്ടുപോകൽ തുടങ്ങിയ വകുപ്പുകളിൽ കേസ് റജിസ്റ്റർ ചെയ്തിട്ടുണ്ട്. സംഭവത്തിൽ ആവശ്യമായ നടപടികൾ സ്വീകരിക്കുമെന്നും അഡീഷനൽ പോലീസ് കമ്മിഷണർ പറഞ്ഞു.
STORY HIGHLIGHT: police constable rape case
