ഇനി കല്ലുമ്മക്കായ കിട്ടുമ്പോൾ ഇതുപോലെ ഒന്ന് ട്രൈ ചെയ്തുനോക്കൂ. കിടിലൻ സ്വാദിൽ രുചികരമായി തയ്യാറാക്കാവുന്ന ഒരു കറി. ചോറിനു കഴിക്കാനും പലഹാരങ്ങളുടെ ഒപ്പം കഴിക്കാനും ഈ കല്ലുമ്മക്കായ കറി അടിപൊളിയാണ്.
ആവശ്യമായ ചേരുവകൾ
തയ്യാറാക്കുന്ന വിധം
കല്ലുമ്മകായ വൃത്തിയാക്കി ശേഷം മഞ്ഞപ്പൊടി, ഉപ്പ് ഇവ ചേർത്ത് വേവിക്കുക. ഒരു പാനിൽ എണ്ണ ചൂടാക്കി കടുക്, കറിവേപ്പില എന്നിവ ഇട്ട് മൂപ്പിച്ച് സവാള, പച്ചമുളക് എന്നിവ അരിഞ്ഞത് ചേർത്ത് വഴറ്റുക. നന്നായി വഴന്ന് വരുമ്പോൾ ഇഞ്ചി, വെളുതുള്ളി കൂടി ഇടുക, ശേഷം തക്കാളി ചേർക്കാം. തക്കാളി കൂടി നന്നായി വഴന്ന് വരുമ്പോൾ കല്ലുമ്മകായ വേവിച്ചത് കൂടി ചേർക്കാം. ശേഷം മസാലക്ക് ആവശ്യമായ മഞ്ഞൾപൊടി, മുളക്പൊടി, മല്ലിപൊടി, കുരുമുളക്പൊടി ഗരംമസാല എന്നിവയും ചേർക്കാം. തേങ്ങാ കൊത്ത് കൂടി ഇടുക. പാകത്തിനു ഉപ്പ് കൂടി ഇട്ട് നാരങ്ങാ നീരു കൂടി ചേർത്ത് ഇളക്കി കുറച്ച് വെള്ളവും ചേർത്ത് അടച്ച് വച്ച് ഗ്രേവി മീഡിയം പരുവത്തിൽ ആകുന്നവരെ വേവിക്കുക. നല്ല രുചികരമായ കല്ലുമ്മകായ കറി റെഡി.