കാടമുട്ട മസാല കഴിക്കാൻ ഇനി പുറത്തുപോകേണ്ട, രുചികരമായി വീട്ടിൽ തന്നെ തയ്യാറാക്കാം

കാടമുട്ട മസാല കഴിക്കാൻ ഇനി പുറത്തുപോകേണ്ട, രുചികരമായി വീട്ടിൽ തന്നെ തയ്യാറാക്കിയാലോ? റെസിപ്പി നോക്കാം.

ആവശ്യമായ ചേരുവകൾ

• കാട മുട്ട പുഴുങ്ങി വെച്ചത്- 10 എണ്ണം ( ആവശ്യം വേണ്ട മുട്ട എടുക്കാം)
• ഉപ്പ്. 1 /2 സ്പൂൺ
• ഇഞ്ചി വെളുത്തുള്ളി പേസ്റ്റ്- ഒന്നര സ്പൂൺ
• പച്ചമുളക് പേസ്റ്റ് – അര സ്പൂൺ
• മുളക് പൊടി- 2 സ്പൂൺ
• കുരുമുളക് പൊടി – അര സ്പൂൺ
• വെളിച്ചെണ്ണ
• മല്ലിയില, കറിവേപ്പില മുറിച്ചത്

തയ്യാറാക്കുന്ന വിധം

ഒരു ചട്ടിയിൽ വെളിച്ചെണ്ണ ചേർത്ത് കാട മുട്ട ഒഴികെ ബാക്കി എല്ലാ ചേരുവകളും കുറഞ്ഞ തീയിൽ ഇട്ട് ഒരു 5 മിനിറ്റ് ഇളക്കുക. പച്ച മണം മാറിയാൽ പുഴുങ്ങിയ മുട്ട മല്ലിയില, കറിവേപ്പില എന്നിവ ചേർത്ത് നന്നായി യോജിപ്പിക്കുക . കുറച്ച് ഡ്രൈ ആയാൽ ഗ്യാസ് ഓഫ്‌ ചെയ്യാം.