അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇനി നെയ്മീൻ വാങ്ങിക്കുമ്പോൾ ഇതുപോലെ ട്രൈ ചെയ്തുനോക്കൂ. വളരെ എളുപ്പത്തിൽ കിടിലൻ രുചിയിൽ തയ്യാറാക്കാവുന്ന നെയ്മീൻ വറ്റിച്ചതിന്റെ റെസിപ്പി നോക്കാം.
ആവശ്യമായ ചേരുവകൾ
- നെയ്‌ മീന്‍-1/2 കിലോ
- ചുവന്നുള്ളി- 8 എണ്ണം(നെടുകെ അരിഞ്ഞത്)
- പച്ച മുളക്-3 (രണ്ടായി അരിഞ്ഞത്)
- തക്കാളി-1 (4 ആയി അരിഞ്ഞത്)
- ഇഞ്ചി ചെറുതായി അരിഞ്ഞത് -1 ടീസ്പൂണ്‍
- വെളുത്തുള്ളി-4 അല്ലി (നീളത്തില്‍ അരിഞ്ഞത്)
- തേങ്ങാപ്പാല്‍-2 കപ്പ്‌
- കുടംപുളി-4 ചുള
- വാളന്‍ പുളി-നെല്ലിക്ക വലിപ്പത്തില്‍
- മുളക് പൊടി -3/4 ടീസ്പൂണ്‍
- മല്ലിപൊടി-1 ടീസ്പൂണ്‍
- മഞ്ഞള്‍ പൊടി -1/2 ടീസ്പൂണ്‍
- ഉലുവ പൊടി-1/4 ടീസ്പൂണ്‍
- വെളിച്ചെണ്ണ-1 ടീസ്പൂണ്‍
- കടുക്-1/2 ടീസ്പൂണ്‍
- ഉപ്പ്-പാകത്തിന്
- കറിവേപ്പില
തയ്യാറാക്കുന്ന വിധം
നെയ്മീന്‍ ചെറുതായി അരിഞ്ഞ് കഴുകി വൃത്തിയാക്കി വാളന്‍പുളി പിഴിഞ്ഞതും അല്പം ഉപ്പും ചേര്‍ത്ത് ഒരു 15 മിനിറ്റ് വയ്ക്കുക. മീന്‍ ചട്ടിയില്‍ എണ്ണ ചൂടാവുമ്പോള്‍ കടുക്കിട്ടു പൊട്ടിച്ചു കറിവേപ്പിലയിട്ട് മൂപ്പിക്കുക. അതിലേക്കു ഇഞ്ചിയും വെളുത്തുള്ളിയും ഇട്ട് വഴറ്റുക പച്ചമണം മാറുമ്പോള്‍ ചുവന്നുള്ളിയും പച്ചമുളകും കൂടി വഴറ്റുക. ഉള്ളിയുടെ നിറം മാറുമ്പോഴേക്കും മുളക് പൊടിയും മല്ലിപൊടിയും മഞ്ഞള്‍പൊടിയും ഉലുവ പൊടിയും തക്കാളിയും ഇട്ട് വഴറ്റുക. ഇതിലേക്ക് തേങ്ങാപ്പാലും മീന്‍ കഷ്ണങ്ങളും കുടമ്പുളിയും ചേര്‍ക്കുക. നന്നായി വറ്റി എണ്ണ തെളിയുമ്പോള്‍ കറിവേപ്പില തൂകി വാങ്ങി വച്ച് ഉപയോഗിക്കാം.
