ബിരിയാണി എപ്പോഴും ഒരു സ്പെഷ്യൽ വിഭവമാണല്ലോ. പലർക്കും ബിരിയാണി ഇഷ്ടമാണ്. എന്നാൽ ഉണ്ടാക്കാൻ അൽപം മടിയാണ്. ബിരിയാണി തയ്യാറാക്കാൻ ഒരുപാട് സാധനങ്ങൾ വേണം, അത് പോലെ ഒരുപാട് സമയവുമെടുക്കും ഇതാണ് പലരും പറയുന്ന കാരണങ്ങൾ. വളരെ എളുപ്പം തയ്യാറാക്കാവുന്ന ഒന്നാണ് ‘ ചെമ്മീൻ ബിരിയാണി’. ഇനി എങ്ങനെയാണ് തയ്യാറാക്കുന്നതെന്ന് നോക്കാം…
ആവശ്യമുള്ള സാധനങ്ങൾ
ചെമ്മീൻ – ഒരു കപ്പ്
ഉപ്പ് – പാകത്തിന്
വെളുത്തുള്ളി – ഏഴ് അല്ലി (അരച്ചത്)
ഇഞ്ചി – ഒരു കഷ്ണം (അരച്ചത്)
ഗരം മസാല – രണ്ട് ടീസ്പൂൺ
കുരുമുളകുപൊടി – ഒരു ടീസ്പൂൺ
നെയ്യ് – രണ്ട് ടേബിൾ സ്പൂൺ
ചുവന്നുള്ളി – പത്തെണ്ണം (ചെറുതായി അരിഞ്ഞത്)
പച്ചമുളക് – മൂന്നെണ്ണം (അരിഞ്ഞത്)
ബിരിയാണി അരി – മൂന്ന് കപ്പ്
കട്ടിയുള്ള തേങ്ങാപാൽ – ആറ് കപ്പ്
തയ്യാറാക്കുന്ന വിധം
കഴുകി വൃത്തിയാക്കിയ ചെമ്മീനിൽ ഉപ്പ്, വെളുത്തുള്ളി-ഇഞ്ചി പേസ്റ്റ്, ഗരം മസാല, കുരുമുളകുപൊടി എന്നിവ പുരട്ടി അൽപ്പസമയം വയ്ക്കുക. കുറച്ചു വെള്ളവും ഒഴിച്ച് കുക്കറിലിട്ട് ഒരു വിസിൽ വരുന്നതു വരെ വേവിക്കുക. കുക്കർ അടുപ്പിൽ നിന്ന് ഇറക്കി ആവിപോയ ശേഷം തുറന്ന് ചെമ്മീൻ മാറ്റിവെയ്ക്കാം.
കുക്കറിൽ ബട്ടർ ചൂടാക്കി ഉള്ളിയും പച്ചമുളകും മൂപ്പിക്കുക. ശേഷം ചെമ്മീനും അരിയും തേങ്ങാപ്പാലും ചേർത്ത് കുക്കർ അടച്ച് ഒരു വിസിൽ വരുന്നതുവരെ വേവിക്കുക. ആവി പോയശേഷം കുക്കർ തുറന്ന് ഇളക്കി വിളമ്പാം.
content highlight: prawn-biryani