എന്നും തയ്യാറാക്കുന്ന ഉപ്പുമാവിൽ നിന്നും അല്പം വ്യത്യസ്തമായി ഒരു ഉപ്പുമാവ് ഉണ്ടാക്കിയാലോ? കിടിലൻ സ്വാദിൽ രുചികരമായി തയ്യാറാക്കാവുന്ന ഒരു സേമിയ ഉപ്പുമാവിന്റെ റെസിപ്പി നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
ഒരു പാനിൽ ഒരു ടേബിൾ സ്പൂൺ നെയ്യ് ചൂടാക്കി അതിലേക്ക് എടുത്തു വച്ചിരിക്കുന്ന കശുവണ്ടി വറുത്തു മാറ്റിവെക്കുക. ഇതേ പാനിലേക്ക് സേമിയ ഇട്ട് മൂന്നു നാലു മിനിറ്റ് വഴറ്റുക . സേമിയയുടെ നിറം ചെറുതായി മാറി വരുന്നത് കാണാം. ഇത് മാറ്റി വയ്ക്കുക. ഇനി മറ്റൊരു പാനിൽ വെളിച്ചെണ്ണ ചൂടാക്കി അതിലേക്ക് കടുകും ഉഴുന്നുപരിപ്പും ഇട്ട് പൊട്ടുമ്പോൾ, സവാള, പച്ചമുളക്, ഇഞ്ചി എന്നിവ കൂടി ചേർത്ത് നന്നായി വഴറ്റുക.
അതിലേക്ക് ഉപ്പും ചേർക്കുക. കാരറ്റ് , ബീൻസ്, കറിവേപ്പില എന്നിവ ചേർത്ത് നന്നായി വഴറ്റുക. മൂടിവച്ച് പച്ചക്കറികൾ സോഫ്റ്റ് ആകുന്നതുവരെ വേവിച്ച് എടുക്കുക. ഇതിലേക്ക് വറുത്തു വച്ചിരിക്കുന്ന സേമിയ ചേർക്കുക. നന്നായി യോജിപ്പിക്കുക. മുക്കാൽ കപ്പ് വെള്ളം ചേർത്ത് നന്നായി യോജിപ്പിക്കുക. എടുത്തു വച്ചിരിക്കുന്ന നാളികേരം ചിരകിയത് ചേർത്ത് മിക്സ് ചെയ്തു അൽപസമയം മൂടി വയ്ക്കുക. ഉപ്പുമാവ് നന്നായി സോഫ്റ്റ് ആയി വരാൻ ഇത് സഹായിക്കും. സ്വാദിഷ്ടമായ സേമിയ ഉപ്പുമാവ് റെഡി