അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരോഗ്യകരമായ ഒരു ചിക്കൻ റോൾ ഉണ്ടാക്കിയാലോ? അതും വളരെ സിംപിളായി. ചപ്പാത്തി ഉപയോഗിച്ച്. എളുപ്പത്തിൽ തയ്യാറാക്കാവുന്ന ഒരു ചിക്കൻ റോൾ.
ആവശ്യമായ ചേരുവകൾ
- ചപ്പാത്തി – 4 എണ്ണം
- 2 ചിക്കൻ ബ്രേസ്റ് നീളത്തിൽ അരിഞ്ഞു ഉപ്പും മഞ്ഞളും മുളകുപൊടിയും ചേർത്തു എണ്ണയിൽ വറുത്തെടുത്ത്
- ഫ്രഞ്ച് ഫ്രൈസ് – ആവശ്യത്തിന്
- കാരറ്റ് നീളത്തിൽ അരിഞ്ഞത് – 1 എണ്ണം
- മഞ്ഞ കാപ്സിക്കും നീളത്തിൽ അരിഞ്ഞത് – 1 എണ്ണം
- സവാള നീളത്തിൽ അരിഞ്ഞത് – 1 എണ്ണം
- ലെറ്റൂസ് നീളത്തിൽ അരിഞ്ഞത് – 1 കപ്പ്
- ഉപ്പ് – ആവശ്യത്തിന്
- കുരുമുളക് പൊടി – ആവശ്യത്തിന്
- മയോനെസ്/ യോഗർട് – 2 ടേബിൾസ്പൂൺ
തയ്യാറാക്കുന്ന വിധം
ചപ്പാത്തിയും ഫ്രഞ്ച് ഫ്രൈസ് ഉം ചിക്കൻ ഉം ഒഴികയുള്ള എല്ലാ ചേരുവകളും നന്നായി കൂട്ടി യോജിപ്പിക്കുക. ശേഷം ചപ്പാത്തിയുടെ നടുവിൽ ഈ കൂട്ട് നീളത്തിൽ വെക്കണം. ഫ്രഞ്ച് ഫ്രൈസ് ഉം ചിക്കൻ ഉം അതിന്റെ കൂടെ വെക്കണം. എന്നിട്ടു ചപ്പാത്തി ചുരുട്ടി എടുക്കണം. അലൂമിനിയം ഫോയിൽ കൊണ്ട് പൊതിയാം. ചിക്കൻ ചപ്പാത്തി റോൾ തയ്യാറായി.
