അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നല്ല നാടൻ ബീഫ് വരട്ടിയത് തയ്യാറാക്കിയാലോ? തോങ്ങാക്കൊത്ത് എല്ലാം ചേർത്ത് നല്ലരീതിയിൽ വരട്ടിയെടുത്ത ബീഫിന്റെ സ്വാദ്.. ആഹാ അത് ഒന്ന് വേറെതന്നെയാണ്. എങ്ങനെ തയ്യാറാക്കാമെന്ന് നോക്കിയാലോ?
ആവശ്യമായ ചേരുവകള്‍
- ബീഫ് – 1 കിലോ
- ചെറിയ ഉള്ളി ചതച്ചത് – 1 കപ്പ്
- ഇഞ്ചി,വെളുത്തുള്ളി ചതച്ചത് – 6 സ്പൂണ്‍
- പച്ചമുളക് – 3 എണ്ണം
- വെളിച്ചെണ്ണ – 5 ടേബിള്‍ സ്പൂണ്‍
- മുളകുപൊടി – 3 ടേബിള്‍ സ്പൂണ്‍
- മല്ലിപൊടി – 4 ടേബിള്‍ സ്പൂണ്‍
- മഞ്ഞള്‍പൊടി – 1/2 ടീസ്പൂണ്‍
- ഗരം മസാല – 1 ടീസ്പൂണ്‍
- കുരുമുളക് പൊടി – 1/2 ടീസ്പൂണ്‍
- കടുക്- 1 ടീസ്പൂണ്‍
- വറ്റല്‍ മുളക് – 6 എണ്ണം
- കറിവേപ്പില – 2 തണ്ട്
- ഉപ്പ് – ആവശ്യത്തിന്
- തേങ്ങാക്കൊത്ത് – ആവശ്യത്തിന്
തയ്യാറാക്കുന്ന വിധം
ബീഫ്, ഉള്ളി, ഇഞ്ചി, വെളുത്തുള്ളി, പച്ചമുളക്, കറിവേപ്പില, മഞ്ഞള്‍പൊടി, മുളക് പൊടി, മല്ലിപൊടി, ഗരം മസാല പൊടി, കുരുമുളക് പൊടി, ഉപ്പ് എന്നിവ നന്നായി തിരുമ്മി യോജിപ്പിക്കണം. ഇത് കുക്കറിലിട്ട് വെള്ളമൊഴിച്ച് വേവിക്കുക. 3 വിസില്‍ വരുമ്പോള്‍ തീ ഓഫ് ചെയ്യാം. ചെറുതീയില്‍ പാന്‍ ചൂടാക്കുക. ചൂടായ പാനില്‍ വെളിച്ചണ്ണ ഒഴിച്ച് അതിലേക്ക് കടുക്, വറ്റല്‍മുളക്, കറിവേപ്പില, എന്നിവ ഇടണം. ഇതിലേക്ക് വേവിച്ച് വച്ചിരിക്കുന്ന ബീഫും തേങ്ങാക്കൊത്തും ചേര്‍ത്ത് നന്നായി ഇളകി യോജിപ്പിക്കുക. ഇത് ഡ്രൈ ആയി വരുമ്പോള്‍ അല്‍പം എണ്ണ തൂവി മല്ലിയില വിതറി തീ ഓഫ് ചെയ്യാം.
