അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കട്ലറ്റ് ഇഷ്ടമല്ലാത്തവരായും കഴിക്കാത്തവരായും ആരും തന്നെ ഉണ്ടാവില്ല. വെെകിട്ട് ചായയുടെ കൂടെ കഴിക്കാൻ രുചികരമായ ഒരു ഫിഷ് കട്ലറ്റ് തയ്യാറാക്കിയാലോ.
ചേരുവകൾ
- മീൻ ( ദശ കട്ടിയുള്ള മീൻ മുള്ളില്ലാതെ എടുത്തത് ) – 250 ഗ്രാം
- മുട്ട – ഒരെണ്ണം
- വെളുത്തുള്ളി – നാല് അല്ലി
- ഉള്ളിത്തണ്ട് അരിഞ്ഞത് – രണ്ട് ടേബിൾ സ്പൂൺ
- മഞ്ഞൾപ്പൊടി – കാൽ ടീ സ്പൂൺ
- കുരുമുളക് പൊടി – ഒരു ടീ സ്പൂൺ
- ചീര അരിഞ്ഞത് – ഒരു കപ്പ്
- ഉപ്പ് – ആവശ്യത്തിന്
- എണ്ണ – ആവശ്യത്തിന്
തയ്യാറാക്കുന്ന വിധം
മിക്സിയിൽ വേവിച്ച ദശ കട്ടിയുള്ള മീൻ മുള്ളില്ലാതെ എടുത്തതും, മുട്ട, വെളുത്തുള്ളി, അരിഞ്ഞെടുത്ത ഉള്ളിത്തണ്ട്, മഞ്ഞൾപ്പൊടി, കുരുമുളക് പൊടി എന്നിവ ഇട്ട് അരച്ചെടുക്കുക. അതിലേക്ക് ചീര അരിഞ്ഞതും, ഉപ്പും ചേർത്ത് കുഴച്ചെടുക്കുക. അതിൽ നിന്നും ചെറിയ ഉരുളകൾ എടുത്ത് ഇഷ്ടമുള്ള അകൃതിയിൽ പരത്തുക. ഫ്രൈ പാനിൽ എണ്ണ ഒഴിച്ച് ചൂടായ ശേഷം കട്ലറ്റ് വറുത്തെടുക്കുക.
STORY HIGHLIGHT: fish cutlet
