മുട്ട വെച്ച് ഒരു വെറൈറ്റി റെസിപ്പി നോക്കിയാലോ? വളരെ പെട്ടെന്ന് തന്നെ മുട്ട കൊണ്ട് തയ്യാറാക്കാവുന്ന തന്തൂരി മുട്ടയുടെ റെസിപ്പി നോക്കാം.
ആവശ്യമായ ചേരുവകള്‍
തയ്യാറാക്കുന്ന വിധം
ഒരു മിക്‌സിങ് പാത്രത്തില്‍, തൈര്, ഗരം മസാല, ഇഞ്ചി വെളുത്തുള്ളി പേസ്റ്റ്, മല്ലിപ്പൊടി, മഞ്ഞള്‍ പൊടി, മുളകുപൊടി, നാരങ്ങ നീര്, ഉപ്പ് എന്നിവ ചേര്‍ത്ത് കുഴമ്പുരൂപത്തിലുള്ള പേസ്റ്റ് ആക്കി എടുക്കുക. പുഴുങ്ങിയ മുട്ടകള്‍ക്ക് മേല്‍ ഫോര്‍ക്ക് കൊണ്ട് തുളകള്‍ ഇടുക. ഈ മുട്ടകള്‍ ഇപ്പോള്‍ ഉണ്ടാക്കിവെച്ച പേസ്റ്റില്‍ ഇട്ട്, എല്ലാ വശത്തും മസാല പൊതിഞ്ഞിട്ടുണ്ടെന്ന് ഉറപ്പുവരുത്തുക. മാരിനേറ്റ് ചെയ്ത ശേഷം, ഒരു ഗ്രില്‍ പാന്‍ എടുത്ത് ഇടത്തരം തീയില്‍ ചൂടാക്കി, കുറച്ച് എണ്ണ ഉപയോഗിച്ച് ബ്രഷ് ചെയ്യുക.
ഗ്രില്‍ പാന്‍ ചൂടായിക്കഴിഞ്ഞാല്‍, മാരിനേറ്റ് ചെയ്ത മുട്ട ഇതില്‍ വയ്ക്കുക, ഇത് ഏകദേശം 3-4 മിനിറ്റ് വേവിക്കുക. എല്ലാ വശത്തും ഒരുപോലെ ബ്രൗണ്‍ നിറമാകണം. കരിഞ്ഞു പോകാതെ സൂക്ഷിക്കുക. ശേഷം, ഈ തന്തൂരി മുട്ടകള്‍ ഗ്രില്‍ പാനില്‍ നിന്നും സെര്‍വിങ് പ്ലേറ്റിലേക്ക് മാറ്റുക. ഇത് ഒരു തന്തൂരി സ്റ്റിക്കിന് മുകളില്‍ കുത്തി വയ്ക്കുക. ഈ മുട്ടകള്‍ ഗ്രീന്‍ ചട്ണി ഡിപ്പിനൊപ്പം ചൂടോടെ വിളമ്പുക.