അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്നൊരു വെറൈറ്റി റൈസ് റെസിപ്പി നോക്കിയാലോ? രാത്രിയില്‍ ചോറും ചപ്പാത്തിയുമൊക്കെയല്ലേ കഴിക്കാറുള്ളത്. ഒരു മാറ്റമൊക്കെ വേണ്ടേ? നല്ല അടിപൊളി രുചിയില്‍ ലെമണ്‍ റൈസ് തയ്യാറാക്കാം.
ആവധ്യമായ ചേരുവകള്‍
- ചോറ് – 2 കപ്പ്
- വെളിച്ചെണ്ണ – 4 ടീസ്പൂണ്‍
- മഞ്ഞള്‍പൊടി- ആവശ്യത്തിന്
- കടുക് – 1 ടീസ്പൂണ്‍
- ഉഴുന്നുപരിപ്പ് – 1 ടീസ്പൂണ്‍
- പച്ചമുളക് – 3 എണ്ണം
- കറിവേപ്പില – 1 തണ്ട്
- മല്ലിയില- ആവശ്യത്തിന്
- നാരങ്ങാ നീര്- ആവശ്യത്തിന്
തയ്യാറാക്കുന്ന വിധം
ആദ്യം എണ്ണ ചൂടാക്കി കടുക് പൊട്ടിക്കുക. ശേഷം ഉഴുന്നുപരിപ്പ് ചേര്‍ത്ത് നന്നായി ഇളക്കുക. ഇനി പച്ചമുളക് കീറിയതും കറിവേപ്പിലയും ഇട്ട് വഴറ്റുക. ശേഷം ചോറും മഞ്ഞള്‍പൊടിയും ചേര്‍ത്തിളക്കുക. സ്റ്റൗവില്‍ നിന്നു മാറ്റി നാരങ്ങാ നീരും ചേര്‍ത്തിളക്കി യോജിപ്പിക്കുക. ഇനി മല്ലിയില വിതറുക. ഇനി ചൂടോടെ പപ്പടം, കൊണ്ടാട്ടം, ഉരുളക്കിഴങ്ങ് ഉപ്പേരി, അച്ചാര്‍ എന്നിവ കൂട്ടി കഴിക്കാം. ശ്രദ്ധിക്കുക, ചോറുണ്ടാക്കുമ്പോള്‍ ഉപ്പിട്ടുണ്ടാക്കുക. അതുപോലെ നാരങ്ങാനീര് ചേര്‍ത്തതിനു ശേഷം ചൂടാക്കിയാല്‍ വൈറ്റമിന്‍ സി നഷ്ടപ്പെടും. പിന്നെ കടലപരിപ്പും നിലക്കടലയും ഇഷ്ടമാണെങ്കില്‍ ഉഴുന്നുപരിപ്പ് ചേര്‍ക്കുമ്പോള്‍ അവ ചേര്‍ക്കാം.
