അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബ്രേക്ഫാസ്റ്റിന് നല്ല പഞ്ഞിപോലുള്ള ഇഡ്ഡലി തയ്യാറാക്കിയാലോ? വളരെ ഏൽപ്പത്തിൽ രുചികരമായി തയ്യാറാക്കാവുന്ന ഒരു ഇഡ്ഡലി റെസിപ്പി.
ആവശ്യമായ ചേരുവകള്‍
- ഉഴുന്നുപൊടി – 1 കപ്പ്
- ഗോതമ്പുപൊടി – 2 കപ്പ്
- അരിപൊടി – 1 കപ്പ്
- ചോറ് – ഒരുപിടി
- വെള്ളം – ആവശ്യത്തിന് (ഏകദേശം 3 കപ്പ്)
- ഉപ്പ് – ആവശ്യത്തിന്
തയ്യാറാക്കുന്ന വിധം
ഉഴുന്ന് കഴുകി ഉണക്കിയ ശേഷം പൊടിക്കുക. ഒരു വലിയ പാത്രം എടുത്ത് ഗോതമ്പുപൊടി, അരിപ്പൊടി, ഉഴുന്നുപൊടി എന്നിവ ചേര്‍ത്ത് മിക്‌സ് എടുക്കാം. ഇനി ഒരുപിടി ചോറ് കുറച്ച് വെള്ളമൊഴിച്ച് മിക്‌സിയില്‍ നന്നായി അരച്ചെടുക്കുക. ഇത് പൊടിയിലേയ്ക്ക് ചേര്‍ത്ത് ആവിശ്യത്തിന് വെള്ളം ഒഴിച്ച് ഇഡ്ഡലി മാവിന്റെ പരുവത്തില്‍ കലക്കി എടുക്കാം. മാവ് വളരെ അയഞ്ഞതോ കട്ടിയുള്ളതോ ആകരുത്. ഇനി ഇത് 8 മുതല്‍ 10 മണിക്കൂര്‍ വരെ മൂടി വയ്ക്കുക. മാവ് പൊങ്ങി വന്നാല്‍ ആവശ്യത്തിന് ഉപ്പ് ചേര്‍ത്ത് ഇളക്കിയശേഷം ഇഡ്ഡലി തട്ടില്‍ വെളിച്ചെണ്ണ പുരട്ടി മാവ് ഒഴിച്ച് 10 മിനിറ്റ് ആവിയില്‍ വേവിക്കുക. ഇതോടെ നമ്മുടെ കിടിലന്‍ ടേസ്റ്റി ഇഡ്ഡലി റെഡി.
