അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു കിടിലൻ സ്വീറ്റ്‌സ് റെസിപ്പി നോക്കിയാലോ? അടിപൊളി രുചിയിൽ റവ ലഡ്ഡു തയ്യാറാക്കി നോക്കാം. കുട്ടികൾക്കും മുതിർന്നവർക്കും ഇത് ഒരുപോലെ ഇഷ്ടമാകും.
ആവശ്യമായ ചേരുവകൾ
- റവ 200gm
- പഞ്ചസാര പൊടിച്ചത് 150gm
- നെയ്യ് 2 ടേബിൾ സ്പൂൺ
- ഏലയ്ക്ക 2 എണ്ണം
- പാൽ 100 മില്ലി ലിറ്റർ
- അണ്ടിപ്പരിപ്പ് 10 എണ്ണം
- ഉണക്ക മുന്തിരി 20 ഗ്രാം
തയ്യാറാക്കുന്ന വിധം
ആദ്യം തന്നെ ഒരു പാൻ ചൂടാക്കി നെയ്യ് ഒഴിച്ച് അതിലേക്ക് അണ്ടിപ്പരിപ്പും ഉണക്ക മുന്തിരിയും ഇട്ട് വറുത്തെടുക്കുക. ശേഷം അതേ നെയ്യിൽ റവ ഇട്ട് നല്ലപോലെ വറക്കുക. പിന്നീട് പഞ്ചസാര പൊടിച്ചതും ഏലക്കായും ചേർത്ത് നന്നായി മിക്സ് ചെയ്ത് പാലും കൂടെ ചേർത്ത് നല്ലപോലെ യോജിപ്പിക്കുക. ശേഷം തീ അണച്ച് റവ മിക്സിലേക്ക് വറുത്തെടുത്ത അണ്ടിപ്പരിപ്പും ഉണക്ക മുന്തിരിയും ഇട്ട് നല്ല ഉരുളകളാക്കി എടുക്കുക. രുചിയേറും റവ ലഡ്ഡു തയ്യാർ.
