അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ എളുപ്പത്തിൽ വീട്ടിൽ കുബ്ബൂസ് തയ്യാറാക്കിയാലോ? റെസിപ്പി നോക്കാം.
ആവശ്യമായ ചേരുവകൾ
- ഗോതമ്പ് പൊടി – 3 കപ്പ്‌
- ഇളംചൂടു വെള്ളം – 1/2 കപ്പ്‌
- പഞ്ചസാര – 1 ടേബിൾ സ്പൂൺ
- യീസ്റ്റ് – 1/2 ടേബിൾ സ്പൂൺ
- ഉപ്പ് – 3/4 ടീ സ്പൂൺ
- വെള്ളം – ആവശ്യത്തിന്
- എണ്ണ – 1 ടേബിൾ സ്പൂൺ
തയ്യാറാക്കുന്ന വിധം
ഇളം ചൂടുവെള്ളത്തിൽ പഞ്ചസാരയും യീസ്റ്റുമിട്ട് ഒന്നു പൊങ്ങി വരുമ്പോൾ ഗോതമ്പുമാവിലേക്ക് ഈ ഒരു യീസ്റ്റ് വെള്ളവും അതിൽ ആവിശ്യത്തിന് ഉപ്പും കൂടി ചേർക്കുക. ഇനി ആവശ്യത്തിന് വെള്ളവും കൂടി ചേർത്ത് ചപ്പാത്തി മാവിനെക്കാൾ കുറച്ചു കൂടി സോഫ്റ്റ്‌ ആയി കുഴച്ചു വയ്ക്കുക. ശേഷം അതിലേയ്ക്ക് എണ്ണ കൂടി ചേർത്ത് വീണ്ടും മയത്തിൽ കുഴയ്ക്കുക. പിന്നീട് കുറച്ച് എണ്ണ കൂടി പുരട്ടി രണ്ടു മണിക്കൂർ നേരം മാറ്റി വെക്കുക. ശേഷം മാവ് ഇരട്ടി ആയി വരും. അപ്പോൾ ഒന്ന് കൂടി കുഴച്ചു ചെറിയ ഉരുളകളാക്കി ചപ്പാത്തിയേക്കാൾ കുറച്ചു കട്ടിയിൽ പരത്തി എടുക്കുക. ഇനി ഒരു ദോശ കല്ല് ചൂടാക്കി അതില്‍ ഇവ തിരിച്ചും മറിച്ചും ഇട്ടു ചുട്ടെടുക്കുക. ഇതോടെ നല്ല അടിപൊളി കുബ്ബൂസ് റെഡി.
