അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഫ്രഞ്ച് ഫ്രൈസ് ഇഷ്ടമാണോ? ഉരുളക്കിഴങ്ങ് കൊണ്ട് ഉണ്ടാക്കിയ ഫ്രഞ്ച് ഫ്രൈസ് അല്ലെ നിങ്ങൾ കഴിച്ചിട്ടുള്ളത്. പപ്പായ കൊണ്ട് ഫ്രഞ്ച് ഫ്രൈസ് ഉണ്ടാക്കി കഴിച്ചിട്ടുണ്ടോ? കിടിലൻ സ്വാദാണ്. റെസിപ്പി നോക്കാം.
ആവശ്യമായ ചേരുവകൾ
- പച്ച പപ്പായ നീളത്തിൽ അരിഞ്ഞത് 250 ഗ്രാം
- ചോളം പൊടി (കോൺ ഫ്ലോർ ) 2 ടേബിൾ സ്പൂൺ
- മൈദ 2 ടേബിൾ സ്പൂൺ
- മുളക് പൊടി 1 ടീസ്പൂൺ
- വെളുത്തുള്ളി ചെറുതായി അരിഞ്ഞത് 1 ടീസ്പൂൺ
- ഉപ്പ് ആവശ്യത്തിന്
- മുക്കി പൊരിക്കുവാൻ ആവശ്യമായ ചേരുവകൾ
- മൈദ 1 ടേബിൾ സ്പൂൺ
- ചോള പൊടി (കോൺ ഫ്ലോർ ) 1 ടേബിൾ സ്പൂൺ
- മുളകുപൊടി 1 ടീസ്പൂൺ
- ഉപ്പ് 1/8 ടീസ്പൂൺ
തയ്യാറാക്കുന്ന വിധം
പച്ച പപ്പായ നീളത്തിൽ കുറച്ചു കനത്തിൽ അരിഞ്ഞു ഉപ്പിട്ട് പകുതി വേവിച്ചെടുക്കുക. വെള്ളം കളഞ്ഞ ശേഷം പകുതി വേവിച്ച പപ്പായയിലേക്ക് മൈദ, കോൺ ഫ്ലോർ, മുളകുപൊടി, വെളുത്തുള്ളി എന്നിവ ഇട്ടു ഒന്ന് മിക്സ് ചെയ്തു 1/2 മണിക്കൂർ ഫ്രീസറിൽ വയ്ക്കുക. മുക്കി പൊരിക്കുവാനുള്ള മാവിനായി കുറച്ചു മൈദയും കോൺ ഫ്ലോറും മുളക് പൊടിയും ഒരു നുള്ള് ഉപ്പും ചേർത്ത് നല്ല പോലെ വെള്ളം ചേർത്ത് നേർത്ത മാവ് ഉണ്ടാക്കുക. ശേഷം ഫ്രീസറിൽ നിന്നും പപ്പായ എടുത്ത് മാവിൽ മുക്കി ചൂടായ എണ്ണയിൽ വറുത്തെടുക്കുക. സോസിൻ്റെ കൂടെ വിളമ്‌ബാം. മിക്സ് ചെയ്തു ഫ്രീസറിൽ സൂക്ഷിച്ചു വച്ച പപ്പായ എപ്പോൾ വേണമെങ്കിലും മാവ് ഉണ്ടാക്കി വറുത്തെടുക്കാം.
