അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബ്രോക്കൊളി വെച്ച് ഒരുഗ്രൻ ഐറ്റം ഉണ്ടാക്കിയാലോ? ഒരു വെറൈറ്റി ഐറ്റം. രുചികരമായ ബ്രോക്കൊളി ബൈറ്റ്സ് ഒന്ന് പരീക്ഷിച്ചാലോ?
ആവശ്യമായ ചേരുവകൾ
- ബ്രോക്കോളി – 1 (500 ഗ്രാം)
- മുട്ട – 5 എണ്ണം
- മൊസറെല്ല ചീസ് – 1/2 കപ്പ്
- സവാള – 1 ഇടത്തരം (ചെറുതായി അരിഞ്ഞത്)
- പച്ചമുളക് – 2 മുതൽ 3 എണ്ണം വരെ (ചെറുതായി അരിഞ്ഞത്)
- മല്ലിയില – ഒരു പിടി ചെറുതായി അരിഞ്ഞത്
- മഞ്ഞൾ പൊടി- ഒരു നുള്ള്
- കുരുമുളക് പൊടി- ഒരു നുള്ള്
- ചുവന്ന മുളക്- ആവശ്യത്തിന്
- ഉപ്പ്- ആവശ്യത്തിന്
- എണ്ണ – ആവശ്യത്തിന്
തയ്യാറാക്കുന്ന വിധം
ബ്രോക്കോളി നല്ലതു പോലെ കഴുകി വൃത്തിയാക്കി ചെറിയ കഷണങ്ങളാക്കി മുറിച്ചെടുക്കുക. ഇനി ഒരു പാത്രത്തിൽ കുറച്ച് വെള്ളം എടുത്തതിന് ശേഷം അതിലേക്ക് ബ്രോക്കോളി ഇടുക. ഇനി ഉപ്പും ചേർത്ത് ഒന്ന് വേവിച്ചെടുക്കുക. ശേഷം ഇതിനെ നല്ലതുപോലെ ഒന്ന് പൊടിച്ചെടുക്കുക. അതിനുശേഷം ഇതിലേയ്ക്ക് ആവശ്യത്തിന് പച്ചമുളകും, ചുവന്ന മുളകും, ഉപ്പും, കുരുമുളകുപൊടിയും, ആവശ്യത്തിനു മഞ്ഞൾപൊടിയും, സവാളയും, ചീസും, മുട്ട പൊട്ടിച്ചതും ചേർത്ത് നല്ലതുപോലെ കുഴച്ചെടുക്കുക. ഇനി ഈ കുഴച്ചെടുത്ത മാവ് ചെറിയ ഉരുളകളാക്കി എടുത്ത് എണ്ണയിലേക്കിട്ട് വറുത്തെടുക്കാവുന്നതാണ്. കിടിലൻ ചീസി ബ്രോക്കോളി ബൈറ്റ്സ് റെഡി.
