വ്യായാമത്തിനൊപ്പമോ, അതിലേറെയോ പ്രാധാന്യമുള്ളതാണ് സുഖനിദ്ര. എന്നാല്‍, ഉറക്കത്തില്‍ പാട്ട് കേട്ട് കിടക്കാന്‍ ഇഷ്ടമുള്ളവരുണ്ട്!. ഇത്തരക്കാര്‍ക്ക് പരീക്ഷിക്കാവുന്ന ഒന്നാണ് സ്ലീപ് ഹെഡ്‌ഫോണ്‍സ്. സാധാരണ ഹെഡ്‌ഫോണ്‍സ് ഉറങ്ങുമ്പോള്‍ ധരിക്കുക എന്നത് അസ്വസ്ഥത ഉളവാക്കിയേക്കാം, അവ ചിലപ്പോള്‍ ചാടിപ്പോകുകയും ചെയ്‌തേക്കാം. അത്തരം സാഹചര്യങ്ങളില്‍ പരിഗണിക്കാവുന്നവയാണ് സ്ലീപ് ഹെഡ്‌ഫോണ്‍സ്.
അതേസമയം, ഒരു ചെറിയ സ്പീക്കര്‍ വഴി സ്വരം കേള്‍ക്കുകയോ, വൈറ്റ് നോയിസ് മെഷീന്‍സ് ഉപയോഗിക്കുകയോ, ഇയര്‍ പ്ലഗ്‌സ് ഉപയോഗിക്കുന്നതോ സ്ലീപ് ഹെഡ്‌ഫോണ്‍സ് വാങ്ങുന്നതിനെക്കാള്‍ ചെലവു കുറഞ്ഞ ഓപ്ഷനാണെന്നും വിദഗ്ധര്‍ പറയുന്നു. അതേസമയം, ഒരു മുറിയില്‍ ഒന്നിലേറെ പേര്‍ കിടക്കുന്നുണ്ടെങ്കിൽ പ്രായോഗികമായിരിക്കണമെന്നില്ല.
പ്രിയപ്പെട്ട പാട്ടുകളാകാം, മറ്റെന്തെങ്കിലും സംഗീതമാകാം, ഓഡിയോ ബുക്‌സ് ആകാം, വൈറ്റ് നോയിസ് ആകാം, മെഡിറ്റേഷന്‍ നിര്‍ദ്ദേശങ്ങളാകാം, ഓട്ടോണമസ് സെന്‍സറി മെറിഡിയന്‍ റെസ്‌പോണ്‍സ് (എഎസ്എംആര്‍) ആകാം, അങ്ങനെ എന്തുമാകാം. അല്ലെങ്കില്‍ അവരവരുടെ ശ്രവണശീലത്തിന് അനുസരിച്ചുള്ള പല പരീക്ഷണങ്ങളും നടത്താം.
പ്രത്യേകം ശ്രദ്ധിക്കുക. രാത്രിയില്‍ പരിസരത്ത് നടക്കുന്ന കാര്യങ്ങള്‍ കൂടെ അറിയണം എന്നുള്ളവര്‍ക്ക് അനുയോജ്യമല്ല ഇത്തരം സ്ലീപ് ഹെഡ്‌ഫോണ്‍സും മറ്റും. എന്നാല്‍, എങ്ങനെയെങ്കിലും ഉറക്കം കിട്ടിയാല്‍ മതി എന്ന് ആഗ്രഹിക്കുന്നവര്‍ പരീക്ഷിച്ചു നോക്കുന്നത് നല്ലതായിരിക്കും താനും. ഉറക്കമില്ലാത്ത ബന്ധുക്കള്‍ക്കും മറ്റും പരീക്ഷിക്കാന്‍ വാങ്ങി നല്‍കുന്നതും പരിഗണിക്കാം. ചില സ്ലീപ് ഹെഡ്‌ഫോണ്‍സ് പരിചയപ്പെടാം. എല്ലാവര്‍ക്കും ഒരേ ഹെഡ്‌ഫോണ്‍ ഫിറ്റ് ആകണമെന്നില്ല എന്ന കാര്യം ഓര്‍ത്തിരിക്കണം. ഇവിടെ വില്‍ക്കുന്ന വിലയായി നല്‍കുന്നത് എഴുതുന്ന സമയത്ത് കാണിച്ചിരിക്കുന്ന വിലയാണ്. അതില്‍ ഏറ്റക്കുറച്ചിലുകള്‍ പ്രതീക്ഷിക്കാം. പ്രൊഡക്ട് പേജില്‍ ഓഫറുകള്‍ ഉണ്ടെങ്കില്‍ അതും പ്രയോജനപ്പെടുത്താം.
സ്ലീപ്പിങ് ഐമാസ്‌കും (ഉറക്ക സമയത്ത് കണ്ണും മൂടുന്നത്) കൂടെയുള്ളതാണ് കാനാജെനിക്‌സ് പോളിസ്റ്റര്‍ സ്ലീപ് ഹെഡ്‌ഫോണ്‍സ്. വയര്‍ലെസ് ആയി ഓഡിയോ എത്തിക്കാന്‍ ബ്ലൂടത് 5.2 ഉണ്ട്. ചെരിഞ്ഞു കിടന്ന് ഉറങ്ങുന്നവര്‍ക്ക് ആയിരിക്കും സൗകര്യപ്രദം എന്നു പറയുന്നു. ബില്‍റ്റ്-ഇന്‍ എച്ഡി സ്പീക്കേഴ്‌സ്. സ്ത്രീ-പുരുഷ വ്യത്യാസമില്ലാതെ ഉപയോഗിക്കാം.
ഫിറ്റ് ആകുന്നില്ലെന്ന് ചിലര്‍ക്ക് പരാതി. സ്പീക്കര്‍ ചെവിക്കു നേരെ അല്ല എന്നും, വെല്‍ക്രോ സൈസ് ചെറുതാണെന്നും പരാതി. 1,499 രൂപ എംആര്‍പി ഇട്ടിരിക്കുന്ന കാനാജെനിക്‌സ് പോളിസ്റ്റര്‍ സ്ലീപ് ഹെഡ്‌ഫോണ്‍സ് ഇപ്പോള്‍ വില്‍ക്കുന്നത് 599 രൂപയ്ക്ക്.