അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബീഫ് കൊണ്ട് ഒരു കിടിലൻ അച്ചാർ ഉണ്ടാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ഒരു അച്ചാർ റെസിപ്പി.
ആവശ്യമായ ചേരുവകൾ
- ബീഫ് 1 കിലോ
- നല്ലെണ്ണ 1/2 ലിറ്റർ
- കടുക് 2 സ്പൂൺ
- ചുവന്ന മുളക് 3 എണ്ണം
- മഞ്ഞൾ പൊടി 1 സ്പൂൺ
- മുളക് പൊടി 4 സ്പൂൺ
- കായ പൊടി 1 സ്പൂൺ
- കുരുമുളക് പൊടി 2 സ്പൂൺ
- ഉപ്പ് 2 സ്പൂൺ
- കറിവേപ്പില 2 തണ്ട്
- വിനാഗിരി 4 സ്പൂൺ
- ഇഞ്ചി 3 സ്പൂൺ
- വെളുത്തുള്ളി 3 സ്പൂൺ
- പച്ചമുളക് 4 എണ്ണം
- ഗരം മസാല 2 സ്പൂൺ
തയ്യാറാക്കുന്ന വിധം
ആദ്യം ബീഫ് നല്ലപോലെ കഴുകി വൃത്തിയാക്കുക. ശേഷം അതിലേക്ക് മുളകുപൊടി, മഞ്ഞൾപ്പൊടി, ഗരം മസാല, കുരുമുളകു പൊടി, ഉപ്പ് എന്നിവ ചേർത്ത് കൈകൊണ്ട് നന്നായി തിരുമ്മി എടുക്കുക. ശേഷം ഒരു പാൻ വച്ച് ചൂടാവുമ്പോൾ അതിലേക്ക് ആവശ്യത്തിന് എണ്ണം ഒഴിച്ച് കൊടുക്കുക. പിന്നീട് മിക്സ് ചെയ്ത് വച്ചിരിക്കുന്ന ബീഫ് എണ്ണയിൽ നല്ലപോലെ വറുത്തെടുക്കുക. തുടർന്ന് ഒരു ചട്ടി വച്ച് ചൂടാകുമ്പോൾ അതിലേക്ക് ആവശ്യത്തിന് നല്ലെണ്ണ ഒഴിച്ച് കൊടുക്കുക. അതിലേക്ക് കടുക്, ചുവന്ന മുളക്, കറിവേപ്പില, പച്ചമുളക്, ഇഞ്ചി, വെളുത്തുള്ളി, മുളകുപൊടി, മഞ്ഞൾപ്പൊടി, ഗരം മസാല, കായപ്പൊടി, വിനാഗിരി എന്നിവ ചേർത്ത് തിളപ്പിച്ച് കുറുക്കി എടുക്കുക. ഇനി വറുത്തെടുത്ത ബീഫ് ഇതിലേക്ക് ചേർത്ത് കൊടുക്കുക. ശേഷം കറിവേപ്പിലയും ചേർക്കുക. നാവിൽ കൊതിയൂറും ബീഫ് അച്ചാർ റെഡി.
