ലഹരിവേട്ടയ്ക്കിടെ എക്സൈസ് സംഘത്തെ കാറിടിച്ച് അപായപ്പെടുത്താൻ ശ്രമം; കാറും എംഡിഎംഎയും ഉപേക്ഷിച്ച് പ്രതി രക്ഷപ്പെട്ടു

കൊല്ലം: കല്ലുംതാഴത്ത് ലഹരിവേട്ടയ്ക്കിടെ എക്സൈസ് സംഘത്തെ കാറിടിച്ച് അപായപ്പെടുത്താൻ ശ്രമം. കാറും എംഡിഎംഎയും ഉപേക്ഷിച്ച് പ്രതി രക്ഷപ്പെട്ടു.
എക്സൈസിന്റെ കൊല്ലം എൻഫോഴ്സ്മെന്റ് സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എക്സൈസ് സംഘം കാർ തടയുകയും പരിശോധന നടത്തുകയുമായിരുന്നു. എന്നാൽ ഇതിനിടയിൽ പ്രതി കാർ മുന്നോട്ടെടുക്കുകയും എക്സൈസ് ഇൻസ്പെക്ടർ ദിലീപിനെ ഇടിച്ചു തെറിപ്പിക്കാൻ ശ്രമിക്കുകയുമായിരുന്നു. പെട്ടെന്ന് പിന്നോട്ട് മാറിയതിനാൽ വലിയ അപകടം ഒഴിവായി. ഇൻസ്പെക്ടറുടെ കാലിന് പരിക്കേറ്റിട്ടുണ്ട്.
പ്രതിയെ എക്സൈസ് സംഘം പിന്തുടർന്നെങ്കിലും കൊറ്റങ്കരയിൽ വച്ച് കാറും നാലു ​ഗ്രാം എംഡിഎംഎയും ഉപേക്ഷിച്ച് പ്രതി കടന്നുകളയുകയായിരുന്നു. പ്രതി സമീപ പ്രദേശത്തുണ്ടാകാനുള്ള സാധ്യത പരി​ഗണിച്ച് എക്സൈസ് സംഘം പരിശോധന നടത്തുന്നുണ്ട്.
content highlight : kollam-drug-smuggler-hits-excise-officers