അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രമേഹമുളളവര്‍ ദിവസത്തില്‍ പല തവണ ഷുഗര്‍ ലെവല്‍ പരിശോധിക്കേണ്ടതുണ്ട്. സൂചി ഉപയോഗിക്കാതെ രക്തത്തിലെ പഞ്ചസാരയുടെ അളവ് പരിശോധിക്കുന്ന സംവിധാനം ഇന്ത്യന്‍ ഇന്‍സിസ്റ്റിയൂട്ട് ഓഫ് സയന്‍സിലെ (ഐഐഎസ് സി) ഗവേഷകര്‍ വികസിപ്പിച്ചെടുത്തിട്ടുണ്ട്. രക്തത്തിലെ പഞ്ചസാരയുടെ അളവ് സാധാരണയായി അളക്കുന്നത് സൂചികള്‍ കൊണ്ട് കുത്തി രക്തമെടുത്താണ്.
ദിവസവും ശരീരത്തില്‍ കുത്തി രക്തമെടുക്കുന്ന പ്രമേഹ രോഗികള്‍ക്ക് ആശ്വാസം പകരുന്നതാണ് ഈ കണ്ടുപിടുത്തം. ഈ സാങ്കേതിക വിദ്യയില്‍ ശബ്ദവും പ്രകാശവും പ്രയോജനപ്പെടുത്തിയുള്ള ഫോട്ടോ അക്കോസ്റ്റിക് സെന്‍സിങ് സംവിധാനമാണ് ഉളളത്.
35 വയസിന് ശേഷം ഗര്‍ഭധാരണം സങ്കീര്‍ണമാകുമോ; എന്തെല്ലാം ശ്രദ്ധിക്കണം
ഈ സാങ്കേതിക വിദ്യയില്‍, ജൈവ കലകളില്‍ ഒരു ലേസര്‍ രശ്മി പതിപ്പിക്കുമ്പോള്‍ കലകളുടെ ഘടകങ്ങള്‍ പ്രകാശം ആഗിരണം ചെയ്യുകയും കലകള്‍ ചെറുതായി ചൂടാകുകയും ചെയ്യുന്നു (1°C-ല്‍ താഴെ). ഇത് കലകള്‍ വികസിപ്പിക്കാനും ചുരുങ്ങാനും കാരണമാകുന്നു. ഇത് സെന്‍സിറ്റീവ് ഡിറ്റക്ടറുകള്‍ വഴി അള്‍ട്രാസോണിക് ശബ്ദ തരംഗങ്ങളായി പിടിച്ചെടുക്കാന്‍ കഴിയുന്ന വൈബ്രേഷനുകള്‍ സൃഷ്ടിക്കുന്നു.
content highlight: Sugar testing
