മിനുട്ടുകൾക്കുള്ളിൽ നല്ല സ്വാദിഷ്ടമായ ബട്ടൂര തയ്യാറാക്കിയാലോ? കുട്ടികൾക്കും മുതിർന്നവർക്കും ഇഷ്ടമാകുന്ന ഈ വിഭവം തയ്യാറാക്കാൻ വളരെ എളുപ്പമാണ്. റെസിപ്പി നോക്കാം.
ആവശ്യമായ ചേരുവകൾ
- മൈദ – 2 കപ്പ്
- റവ – 4 സ്പൂൺ
- പഞ്ചസാര – 1 സ്പൂൺ
- യീസ്റ്റ് – 2 സ്പൂൺ
- തൈര് – 3 സ്പൂൺ
- ഉപ്പ് – ആവശ്യത്തിന്
- എണ്ണ – ആവശ്യത്തിന്
തയ്യാറാക്കുന്ന വിധം
ആദ്യം യീസ്റ്റ് ചെറുചൂടുള്ള വെള്ളത്തിൽ ലയിപ്പിക്കുക. ശേഷം റവ, ഉപ്പ്, പഞ്ചസാര എന്നിവ അതിൽ ചേർത്തിളക്കുക. അതിനുശേഷം രണ്ട് സ്പൂൺ എണ്ണയും തൈരും ചൂടുവെള്ളവും ചേർത്ത് ചപ്പാത്തി മാവ് പോലെ തയ്യാറാക്കിയെടുക്കുക. ഈ മാവ് നനഞ്ഞ തുണി കൊണ്ട് മൂടി നാല് മണിക്കൂർ നേരം വെക്കുക. മാവ് നന്നായി കുഴച്ചു കഴിഞ്ഞാൽ ചപ്പാത്തിയുടെ വലിപ്പത്തിൽ ഉരുളകൾ ഉണ്ടാക്കുക. ശേഷം മൈദ ഉരുട്ടി ചപ്പാത്തി പോലെ പരത്തുക. ഒരു ഉരുളിയിൽ എണ്ണ ചൂടാക്കി അതിലിട്ട് വറുത്തെടുക്കാം. നല്ല സ്വാദിഷ്ടമായ ബട്ടൂര തയ്യാറായി കഴിഞ്ഞു.