മധുരം ഇഷ്ട്ടപ്പെടുന്നവരാണോ നിങ്ങൾ? എങ്കിൽ നിങ്ങൾക്കിത് തീർച്ചയായും ഇഷ്ടമാകും

മധുരം ഇഷ്ട്ടപ്പെടുന്നവരാണോ നിങ്ങൾ? എങ്കിൽ നിങ്ങൾക്കിത് തീർച്ചയായും ഇഷ്ടമാകും. രുചികരമായ തേങ്ങാ ഹൽവ റെസിപ്പി നോക്കാം.

ആവശ്യമായ ചേരുവകൾ

• തേങ്ങാപ്പാൽ- 1 കപ്പ്
• കോൺഫ്ലോർ- 2 സ്പൂൺ
• വെള്ളം- 1/4 കപ്പ്
• പഞ്ചസാര- 1 കപ്പ്
• നെയ്യ്- 2 സ്പൂൺ
• അണ്ടിപരിപ്പ്- 10

തയ്യാറാക്കുന്ന വിധം

കോൺഫ്ലോറിലേയ്ക്ക് കാൽ കപ്പ് വെള്ളം ഒഴിച്ചിളക്കുക. ഇതിലേയ്ക്ക് തേങ്ങാപ്പാൽ ഒഴിച്ച് യോജിപ്പിക്കാം. പാൻ അടുപ്പിൽ വെച്ച് ഒരു സ്പൂൺ നെയ്യ് ഒഴിച്ചു ചൂടാക്കി അൽപ്പം അണ്ടിപരിപ്പ് ചേർത്തു വറുത്തെടുക്കുക. ഇതിലേക്ക് തേങ്ങാപ്പാൽ കോൺഫ്ലോറിൽ ചേർത്തിളക്കിയത് ഒഴിക്കാം. വെള്ളം വറ്റി വരുമ്പോൾ ഒരു കപ്പ് പഞ്ചസാരയും അൽപ്പം നെയ്യും കൂടി ചേർത്തിളക്കുക. കട്ടിയായി വരുമ്പോൾ അടുപ്പിൽ നിന്നും മാറ്റാം. തുടന്ന് ചൂടാറിയശേഷം ഇഷ്ട്ടമുള്ള ആകൃതിയിൽ മുറിച്ചെടുക്കാം.