അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആവിയിൽ വേവിച്ചെടുക്കുന്ന കേരളീയ വിഭവമാണ് വയണയില അപ്പം, തെരളി അപ്പം എന്നൊക്കെ വിളിപ്പേരുള്ള കുമ്പിളപ്പം. കുട്ടികൾക്ക് തയ്യാറാക്കി നൽകാം സ്വാദിഷ്ടമായ കുമ്പിളപ്പം.
ചേരുവകൾ
- അരിപൊടി(വറുത്തത് ) – 2 കപ്പ്‌
- ശര്‍ക്കര (ചീകിയത്) – ഒന്നര കപ്പ്‌
- ഞാലിപൂവന്‍ പഴം – 3 – 4 എണ്ണം
- തേങ്ങ ചിരവിയത് – അര കപ്പ്‌
- വയണയില – ആവശ്യത്തിന്
- ഏലക്ക പൊടിച്ചത് – 1 ടി സ്പൂണ്‍
- ജീരകം പൊടി – അര ടി സ്പൂണ്‍
- ഓലക്കാല്‍ – ഇല കുമ്പിള്‍ കുത്താന്‍ ആവശ്യമായത്
തയ്യാറാക്കുന്ന വിധം
ശര്‍ക്കര കുറച്ചു വെള്ളം ഒഴിച്ച് ചെറുതായി ചൂടാക്കി ശര്‍ക്കര അലിയിച്ചെടുക്കുക. ഇതു നല്ലത് പോലെ അരിച്ചെടുക്കുക. അരിപൊടി ചെറുതായി ചൂടാക്കി എടുക്കുക. ഒരു ബൗളില്‍ അരിപൊടി ,ജീരകം പൊടി ,ഏലക്ക പൊടി,തേങ്ങ ചിരവിയത്,പഴം , ശര്‍ക്കര പാനി എല്ലാം കൂടി ചേര്‍ത്ത് ഇലയില്‍ വെക്കാന്‍ പരുവത്തില്‍ കുഴക്കുക. ചപ്പാത്തി മാവിനെക്കള്‍ അല്പം കൂടി അയവായി കുഴയ്ക്കണം.
ഒരു ഇഡലി പാത്രത്തില്‍ വെള്ളം ചൂടാവാന്‍ വെക്കുക . കുഴച്ചു വെച്ചിരിക്കുന്ന മാവില്‍ നിന്നും ചെറിയ ഉരുളകള്‍ ഉണ്ടാക്കി ഇത് വയണയില കുമ്പിള്‍ രൂപത്തിലാക്കി അതില്‍ നിറച്ചു ഈര്‍ക്കിലി കൊണ്ട് കുത്തി എടുത്ത് ആവിയിൽ വേവിക്കുക.
STORY HIGHLIGHT: kumbil appam
