അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉച്ചയ്ക്ക് ഊണിനൊപ്പം കഴിക്കാൻ വാഴക്കൂമ്പ് വെച്ച് ഒരു തോരൻ തയ്യാറാക്കിയാലോ? കഞ്ഞിയുടെയും ചോറിന്റെയുമെല്ലാം കൂടെ കഴിക്കാവുന്ന ഒരു കിടിലൻ തോരൻ.
ആവശ്യമായ ചേരുവകള്‍
- വാഴക്കൂമ്പ്
- തേങ്ങ ചിരകിയത്
- ചെറിയ ഉള്ളി
- വെളുത്തുള്ളി
- പച്ചമുളക്
- കറിവേപ്പില
- വേവിച്ച പയര്‍ 50 ഗ്രാം
- ജീരകം
- മഞ്ഞള്‍ പൊടി
- മുളകുപൊടി
- ഉപ്പ്
തയ്യാറാകുന്ന വിധം
വാഴ ചുണ്ട് നന്നായി കൊത്തി അരിഞ്ഞു എടുക്കുക. അരിഞ്ഞതിന് ശേഷം കറ കളയാന്‍ അതിലേക്ക് കുറച്ചു വെളിച്ചെണ്ണ ഒഴിച്ച് ചെറിയ ഈര്‍ക്കില്‍ ഉപയോഗിച്ച് നൂല്‍ എടുത്തു കളയണം. തേങ്ങാ ചിരകിയത്, ചെറിയ ഉള്ളി, പച്ചമുളക്, മഞ്ഞള്‍ പൊടി, ഉപ്പ് എന്നിവ ഒന്ന് ചതച്ചു എടുക്കുക. ചിനച്ചട്ടിയില്‍ വെളിച്ചെണ്ണ ഒഴിച്ച് കടുക് പൊട്ടിച്ചു അതിലേക്കു കറിവേപ്പില ഇട്ടു അരിഞ്ഞു വെച്ചിരിക്കുന്ന വാഴ ചുണ്ട് ചേര്‍ത്ത് മൂടി വെച്ച് വേവിക്കുക (ഇടയ്ക്കിടയ്ക്ക് ഇളക്കി കൊടുക്കണം അല്ലെങ്കില്‍ കരിഞ്ഞു പിടിക്കും). കുറച്ചു വാടി വരുമ്പോള്‍ ചതച്ചു വെച്ചിരിക്കുന്ന തേങ്ങാ കൂട്ട് ചേര്‍ത്ത് യോജിപ്പിക്കുക. വേവാകുമ്പോള്‍ പയര്‍ വേവിച്ചത് കൂടെ ചേര്‍ത്ത് ഇളക്കി നന്നായി യോജിപ്പിച്ച് എടുക്കുക.സ്വാദിഷ്ഠമായ വാഴ ചുണ്ട് തോരന്‍ തയ്യാര്‍.
