അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി : എമ്പുരാൻ വിവാദങ്ങളിൽപ്പെട്ട് ചർച്ചയാകുമ്പോഴും ഈദ് ആശംസകളുമായി തിരക്കഥാകൃത്ത് മുരളി ഗോപി. സമൂഹ മാധ്യമങ്ങളിലൂടെയാണ് ആശംസയറിയിച്ചത്. അതേസമയം എമ്പുരാനുമായി ബന്ധപ്പെട്ട വിവാദങ്ങളിൽ മൗനം തുടരുകയാണ്. വിഷയത്തിൽ സിനിമാ സംഘടനകളും നയം വ്യക്തമാക്കിയിട്ടില്ല.
എമ്പുരാനെതിരെയായ സൈബർ ആക്രമണങ്ങൾ മുരളി ഗോപിക്കെതിരെയും തിരിഞ്ഞിരുന്നു. പ്രിയപ്പെട്ടവർക്ക് വേദനിച്ചതിൽ മോഹൻലാൽ കഴിഞ്ഞ ദിവസം ഖേദം പ്രകടിപ്പിച്ചിരുന്നു. ഫേസ്‌ബുക്കിൽ പങ്കുവെച്ച കുറിപ്പ് സംവിധായകൻ പൃഥ്വിരാജും നിർമ്മാതാവ് ആന്റണി പെരുമ്പാവൂരും ഷെയർ ചെയ്തിരുന്നെങ്കിലും മുരളി ഗോപി വിട്ടുനിന്നു.
