അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാചകങ്ങളില്‍ അബന്ധങ്ങൾ പതിവാണ്. അപ്പോൾ അതിനെ എങ്ങനെ മറികടക്കാൻ കഴിയും എന്ന് കൂടി മനസിലാക്കി വയ്ക്കുന്നത് നല്ലതാണ്. പലപ്പോഴും പലർക്കും സംഭവിക്കുന്ന ഒന്നാണ് കറികളിൽ എരിവ് കൂടി പോകുന്നത്. എരിവ് കുറഞ്ഞുപോയാല്‍ പരിഹരിക്കാന്‍ എളുപ്പമാണ്. പക്ഷേ എരിവ് കൂടി പോയാൽ പ്രശ്നം വഷളാകും. ചില കാര്യങ്ങള്‍ ചെയ്ത് അത് പരിഹരിക്കാം.
കറികളില്‍ എരിവ് കൂടിയാലും ഉപ്പ് കൂടിയാലും ഒരുപോലെ ചെയ്യാവുന്ന ഒന്നാണ് അതിലേയ്ക്ക് ഉരുളക്കിഴങ്ങ് ചേര്‍ത്തുകൊടുക്കുകയെന്നത്. ഇത് വെന്തുകഴിഞ്ഞാല്‍ എടുത്തുമാറ്റണമെങ്കില്‍ മാറ്റാം. അധികമുള്ള എരിവ് ഇതോടെ കുറഞ്ഞുവരും.
എരിവ് കൂടിയാല്‍ കുറച്ച് ടൊമാറ്റോ കെച്ചപ്പ് ചേര്‍ക്കുകൊടുക്കുന്നതും ഗുണം ചെയ്യും.ഇതും എരിവ് കുറയ്ക്കാന്‍ സഹായിക്കും. തക്കാളി അരച്ചുചേര്‍ക്കുന്നതിനെക്കാള്‍ കെച്ചപ്പ് ചേര്‍ക്കുന്നത് തന്നെയാണ് നല്ലത്. ചിലര്‍ തക്കാളി അരച്ച് ചേര്‍ക്കാറുണ്ട്. കറികള്‍ക്കനുയോജ്യമായ രീതിയും ഇവ ചേര്‍ക്കാന്‍ ശ്രദ്ധിക്കാം. പഞ്ചസാര അല്ലെങ്കിൽ എന്തെങ്കിലും തരത്തിലുള്ള മധുരം എരിവ് കുറയ്ക്കാൻ സഹായിക്കുന്ന ചേരുവയാണ്. എന്നാൽ വളരെ കുറഞ്ഞ അളവിൽ മാത്രം ഇത് ഉപയോഗിക്കാം.
കറിയില്‍ എരിവ് കൂടിയാല്‍ കറിയിലേക്ക് കുറച്ച് പുളിയില്ലാത്ത കട്ടത്തൈര് ചേര്‍ത്തുകൊടുക്കണം. ഇതും കറിയിലെ മസാലകളും എരിവും കുറയ്ക്കാന്‍ സഹായിക്കും. കട്ടത്തൈര് അല്ലെങ്കില്‍ ക്രീമും ഇതുപോലെ ചേര്‍ത്തുകൊടുക്കാം.
