അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്വന്തം ഇഷ്ടപ്രകാരവും അല്ലാതെയും പലരും പാലും പാലുല്‍പ്പന്നങ്ങളും ഭക്ഷണത്തില്‍ നിന്ന് ഒഴിവാക്കാറുണ്ട്. ചില ആളുകളില്‍ പാലിന്റെ ഉപയോഗം മൂലം ദഹനപ്രശ്‌നങ്ങളുണ്ടാവുന്നതായി കാണാറുണ്ട്. മറ്റു ചിലര്‍ ഡയറ്റിന്റെ ഭാഗമായും പാല്‍ ഒഴിവാക്കാറുണ്ട്. പാല്‍ ഭക്ഷണത്തില്‍ നിന്നും ഒഴിവാക്കിയാലുള്ള ഗുണങ്ങളും ദോഷങ്ങളും എന്തൊക്കെയാണെന്ന് നോക്കാം.
പാലുൽപന്നങ്ങൾ ഒഴിവാക്കുന്നത് ശരീരഭാരം കുറയ്ക്കാൻ സഹായിക്കുന്നു.
പാലുൽപന്നങ്ങൾ മുഖക്കുരു കൂടാൻ കാരണമാകും. ചർമത്തിൽ എണ്ണമയം കൂടാൻ മറ്റ് ഘടകങ്ങൾക്കു പുറമെ പാലുൽപന്നങ്ങളും കാരണമാകും.
പാലുൽപന്നങ്ങൾ കാത്സ്യത്തിന്റെ പ്രധാന ഉറവിടമാണ്. ഇത് എല്ലുകളുടെ ആരോഗ്യത്തിന് പ്രധാനമാണ്. പൂർണമായും ഇവയുടെ ഉപയോഗം നിർത്തുന്നത് പോഷകങ്ങളുടെ അഭാവം ഉണ്ടാകാൻ കാരണമാകും.
പാലുൽപന്നങ്ങൾ ദഹനപ്രശ്നങ്ങൾ അകറ്റാൻ സഹായിക്കും എന്നാണ് വിദഗ്ധർ പറയുന്നത്. എന്നാൽ ശരീരത്തിന് ലാക്ടോസ് വിഘടിപ്പിക്കാൻ കഴിയാതെ വരുമ്പോൾ വയറു കമ്പിക്കൽ, ഗ്യാസ് തുടങ്ങിയവ വരും.
പാലും പാലുൽപന്നങ്ങളും ഒഴിവാക്കുന്നത് ദഹനം മെച്ചപ്പെടുത്താനും വന്‍കുടലിലെ ഇൻഫ്ലമേഷൻ കുറയ്ക്കാനും വയറിളക്കം കുറയ്ക്കാനും വയറിൽ ബ്ലോട്ടിങ്ങ് ഉണ്ടാകാതെയിരിക്കാനും സഹായിക്കും.
പാലുൽപന്നങ്ങൾ ഒഴിവാക്കുന്നത് ഗുരുതരമായ ഇൻഫ്ലമേഷൻ കുറയ്ക്കുകയും തൈറോയ്ഡ് റിസപ്റ്റർ കൗണ്ട് കുറയ്ക്കുകയും ചെയ്യും.
