വ്യത്യസ്തമായ രുചിയിലൊരു ചമ്മന്തി തയ്യാറാക്കിയാലോ?

വ്യത്യസ്തമായ രുചിയിലൊരു ചമ്മന്തി തയ്യാറാക്കിയാലോ? കിടിലൻ സ്വാദിൽ തയ്യാറാക്കാവുന്ന ഒരു റെസിപ്പി. ചോറിനും കഞ്ഞിക്കുമെല്ലാം കൂടെ കഴിക്കാവുന്ന ഒരു റെസിപ്പി.

ആവശ്യമായ ചേരുവകൾ

• തക്കാളി
• വെളുത്തുള്ളി
• കറിവേപ്പില
• കടുക്
• പച്ചമുളക്
• മുളകുപൊടി
• കായം
• ഉപ്പ്
• വെളിച്ചെണ്ണ

തയ്യാറാക്കുന്ന വിധം

ഒരു പാത്രത്തിലേക്ക് കുറച്ച് വെള്ളം ഒഴിച്ച് 3 തക്കാളി ചേർത്ത് വേവിക്കുക. ഒപ്പം നാലോ അഞ്ചോ വറ്റൽമുളകും ചേർക്കാം. വെന്ത തക്കാളി വറ്റൽമുളകിനൊപ്പം വെള്ളത്തിൽ നിന്ന് മാറ്റാം. തക്കാളിയുടെ തൊലി കളഞ്ഞെടുക്കുക. അതിലേക്ക് അഞ്ച് ചുവന്നുള്ളി, രണ്ട് വെളുത്തുള്ളി, ആവശ്യത്തിന് ഉപ്പ് എന്നിവ ചേർത്ത് അരച്ചെടുക്കാം. ഒരു പാൻ അടുപ്പിൽ വെച്ച് ഒരു ടേബിൾസ്പൂൺ എണ്ണ ചേർത്ത് ചൂടാക്കുക. അതിലേക്ക് കാൽ ടീസ്പൂൺ കടുക് ചേർത്ത് പൊട്ടിക്കുക. രണ്ട് നുള്ള് ഉഴുന്ന് പരിപ്പും അൽപ്പം കറിവേപ്പിലയും, മൂന്ന് വറ്റൽമുളകും ചേർത്ത് വറുക്കുക. ഇതിലേക്ക് തക്കാളി അരച്ചത് ചേർത്തിളക്കി യോജിപ്പിക്കുക. കാൽ ടീസ്പൂൺ മുളകുപൊടി, കാൽ ടീസ്പൂൺ മഞ്ഞൾപ്പൊടി, കായപ്പൊടി എന്നിവ ചേർത്തിളക്കുക. കാൽ കപ്പ് വെള്ളം ഒഴിച്ച് ആവശ്യാനുസരണം ഉപ്പും ചേർത്തിളക്കി കുറക്കിയെടുക്കുക. തക്കാളി ചമ്മന്തി തയ്യാറായിരിക്കുന്നു.