അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജറുസലം: ഗാസയിൽ 24 മണിക്കൂറിൽ ഇസ്രയേൽ നടത്തിയ ബോംബാക്രമണങ്ങളിൽ 11 കുട്ടികളടക്കം 40 പലസ്തീൻകാർ കൊല്ലപ്പെട്ടു. ഗാസയുടെ കൂടുതൽ മേഖലകൾ പിടിച്ചെടുക്കാൻ സൈനിക നടപടി വ്യാപിപ്പിക്കുകയാണെന്നു പ്രതിരോധമന്ത്രി ഇസ്രയേൽ കട്സ് പറഞ്ഞു. ഈ പ്രദേശങ്ങൾ ഇസ്രയേലിന്റെ സുരക്ഷാ മേഖലയിലേക്ക് കൂട്ടിച്ചേർക്കും.
എന്നാൽ, ഏതൊക്കെ പ്രദേശങ്ങളാണെന്നു വ്യക്തമാക്കിയില്ല. കഴിഞ്ഞദിവസം റഫയിലെയും പരിസരപ്രദേശങ്ങളിലെയും പലസ്തീൻകാരോട് ഒഴിയാൻ സൈന്യം ആവശ്യപ്പെട്ടിരുന്നു. ഗാസ അതിർത്തിയിൽ ബഫർസോൺ ദീർഘകാലമായി ഇസ്രയേൽ നിലനിർത്തുന്നുണ്ട്. യുദ്ധം ആരംഭിച്ചശേഷം ഇതു കൂടുതൽ വ്യാപിപ്പിച്ചു. ഇന്നലത്തെ ആക്രമണങ്ങളിൽ ഖാൻ യൂനിസിൽ 2 കുട്ടികളടക്കം 17 പേരും വടക്കൻ ഗാസയിൽ 15 പേരും കൊല്ലപ്പെട്ടു.
നാസർ ആശുപത്രിയിലെത്തിച്ച മൃതദേഹങ്ങളിൽ ഒരു ഗർഭിണി ഉൾപ്പെടെ 5 സ്ത്രീകളുമുണ്ട്. ജബാലിയ അഭയാർഥിക്യാംപിനുനേരെയുണ്ടായ ബോംബാക്രമണത്തിലാണ് 9 കുട്ടികളടക്കം 15 പേർ കൊല്ലപ്പെട്ടത്. അതിനിടെ, യെമനിൽ യുഎസ് തുടരുന്ന ബോംബാക്രമണങ്ങളിൽ 4 പേർ കൊല്ലപ്പെട്ടു.
