ഗുലാബ് ജാമുൻ ഇഷ്ടമാണോ? ഇനി ഗുലാബ് ജാമുൻ കഴിക്കാൻ തോന്നുമ്പോൾ എളുപ്പത്തിൽ തയ്യാറാക്കാം, എങ്ങനെയെന്നല്ലേ വരൂ നോക്കാം. റവ കൊണ്ട് കിടിലൻ സ്വാദിലൊരു ഗുലാബ് ജാമുൻ.
ആവശ്യമായ ചേരുവകൾ
തയ്യാറാക്കുന്ന വിധം
ഒരു പാൻ അടുപ്പിൽ വെച്ച് ഒന്നര കപ്പ് വെള്ളത്തിലേക്ക് ഒരു കപ്പ് പഞ്ചസാര ചേർത്ത് അലിയിക്കാം. പഞ്ചസാര ലായനി വെള്ളം വറ്റി കട്ടിയായി വരുമ്പോൾ അടുപ്പിൽ നിന്നും മാറ്റി തണുക്കാൻ വെയ്ക്കാം. മറ്റൊരു പാൻ അടുപ്പിൽ വെച്ച് ഒരു ടീസ്പൂൺ നെയ്യ് ചേർത്ത് ചൂടാക്കാം. അതിലേക്ക് അര കപ്പ് റവ ചേർത്തു വറുക്കാം. ഒന്നര കപ്പ് പാൽ ചേർത്ത് നന്നായി ഇളക്കി യോജിപ്പിക്കാം.
പാൽ വറ്റി റവ സോഫ്റ്റായി വരുമ്പോൾ അടുപ്പണച്ച് അൽപ്പം ബേക്കിങ് സോഡ, രണ്ട് ടേബിൾസ്പൂൺ പാൽപ്പൊടി, കുറച്ച് ഏലയ്ക്ക പൊടിച്ചത് എന്നിവ ചേർത്തിളക്കി യോജിപ്പിക്കാം. തയ്യാറാക്കിയ മാവിൽ നിന്നും കുറച്ചു വീതം എടുത്ത് ചെറിയ ഉരുളകളാക്കാം. അടി കട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കാം. അതിലേക്ക് ഉരുളകൾ ചേർത്തു വറുക്കാം. വറുത്തെടുത്ത ഉരുളകൾ പഞ്ചസാര ലായിനിയിലേക്കു ചേർത്ത് അൽപ സമയം മാറ്റി വെയ്ക്കാം. ശേഷം കഴിച്ചു നോക്കാം.