തൃശൂര്: കഴിഞ്ഞ കുറെ ദിവസങ്ങളായി ചാലക്കുടിയെ വിറപ്പിക്കുന്ന പുലിയെ മയക്കുവെടി വെക്കാന് തീരുമാനം. ജില്ലാ കലക്ടര് അടിയന്തരമായി വിളിച്ചു ചേര്ത്ത യോഗത്തിലാണ് തീരുമാനം എടുത്തത്.
ആദ്യം പുലിയുടെ സാന്നിധ്യം എവിടെയാണെന്നുള്ളത് നിരീക്ഷിച്ച് കണ്ടെത്താന് ശ്രമം. ഇതുവരെ 69 കാമറകള് സ്ഥാപിച്ചു കഴിഞ്ഞു. നിരീക്ഷണം ശക്തമാക്കുന്നതിന്റെ ഭാഗമായി 100 കാമറകള് സ്ഥാപിക്കാനും യോഗം തീരുമാനിച്ചു.