അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നല്ല നിരയൊത്ത വെളുത്ത പല്ലുകൾ എല്ലാവരുടെയും സൗന്ദര്യ സങ്കൽപ്പങ്ങളിൽ പ്രധാനപ്പെട്ടതാണ്. പല്ലുകൾക്കിടയിലെ അസാധാരണമായ വിടവ്, മുമ്പോട്ട് ഉന്തിയ പല്ലുകൾ, നിര തെറ്റിയ പല്ല് ഇവ മാറ്റാനാണ് പല്ലിൽ കമ്പി ഇടുന്നത്. എന്നാൽ നിര തെറ്റിയ ഒന്നോ രണ്ടോ പല്ലുകൾ സൗന്ദര്യ പ്രശ്‌നങ്ങളൊന്നും ഉണ്ടാക്കുന്നില്ലെങ്കിൽ അതൊന്നും കമ്പി ഇടേണ്ടതില്ല.
പല്ലിൽ കമ്പിയിട്ടവർ പലപ്പോഴും അനുഭവിക്കുന്ന ഒരു പ്രശ്‌നമാണ് ചില ഭക്ഷണങ്ങൾ കഴിക്കുമ്പോൾ ബുദ്ധിമുട്ട് അനുഭവപ്പെടുന്നത്. നല്ല ശ്രദ്ധയോടെ ഭക്ഷണങ്ങൾ തിരഞ്ഞെടുത്ത് കഴിച്ചില്ലെങ്കിൽ പല്ലിൽ കമ്പിയിട്ടിരിക്കുന്നവർക്ക് പ്രശ്നങ്ങൾ ഉണ്ടായേക്കാം.
ഡന്റൽ ക്ലിപ്പ് ധരിച്ചവർക്ക് പോപ്കോൺ ചവയ്ക്കുമ്പോ പല്ലുകളിൽ വളരെയധികം സമ്മർദ്ദം ഉണ്ടാകും. ഇവ ഒഴിവാക്കാം. സ്റ്റിക്കി മിഠായികൾ കഴിക്കുമ്പോൾ അവ ക്ലിപ്പിൽ ഒട്ടിപ്പിടിക്കും. പല്ലുകൾ വൃത്തിയാക്കാൻ പാടാകും. മോണ പ്രശ്‌നങ്ങൾക്കും സാധ്യത.
ചിപ്‌സ് വളരെ ക്രഞ്ചി ആയതിനാൽ ഇവ കമ്പി ധരിച്ചിരിക്കുന്നവർ കഴിക്കാതിരിക്കുന്നതാണ് മോണയ്ക്കും പല്ലിനും നല്ലത്. പല്ലിൽ കമ്പിയിട്ടിരിക്കുമ്പോൾ ചോളം കഴിക്കുന്നത് ഒഴിവാക്കാം. ഇവ ചിലരിൽ കടുത്ത അസ്വസ്ഥതയുണ്ടാക്കും.
ഡ്രൈ ഫ്രൂട്‌സ് അടക്കമുള്ള നട്‌സ് പല്ലിൽ കമ്പിയിട്ടിരിക്കുന്നവർ തൽക്കാലം കഴിക്കാതിരിക്കാം. ഇവ പല്ലിനിടയിൽ കയറി ബുദ്ധിമുട്ടുണ്ടാക്കും.
