Food

ഒരുഗ്രൻ കൊഞ്ച് തീയൽ റെസിപ്പി നോക്കാം

ഉച്ചയ്ക്ക് ഊണിന് കിടിലൻ സ്വാദിൽ തയ്യാറാക്കാവുന്ന ഒരു കൊഞ്ച് തീയൽ റെസിപ്പി നോക്കിയാലോ? ഇതുണ്ടെങ്കിൽ പിന്നെ മറ്റൊന്നും വേണ്ട. റെസിപ്പി നോക്കാം.

ആവശ്യമായ ചേരുവകൾ

  • കൊഞ്ച് – 500 ഗ്രാം
  • ഇഞ്ചി – വെളുത്തുള്ളി ചതച്ചത്- 1 ടേബിൾസ്പൂൺ
  • സവാള – 2 എണ്ണം
  • തേങ്ങ ചിരകിയത് – 1 കപ്പ്‌
  • മഞ്ഞൾ പൊടി – 1 ടീസ്പൂൺ
  • മുളകുപൊടി – 2 ടേബിൾസ്പൂൺ
  • മല്ലി പൊടി – 1 ടേബിൾസ്പൂൺ
  • വെളിച്ചെണ്ണ – ആവിശ്യത്തിന്
  • ഉപ്പ് – ആവിശ്യത്തിന്
  • കറിവേപ്പില – ആവിശ്യത്തിന്

തയ്യാറാക്കുന്ന വിധം

കൊഞ്ചിൽ മഞ്ഞൾ പൊടി, മുളക് പൊടി, മല്ലി പൊടി, ഇഞ്ചി – വെളുത്തുള്ളി ചതച്ചത്, ഉപ്പ് എന്നിവയൊക്കെ ചേർത്ത് നല്ലതുപോലെ മിക്സ്‌ ചെയ്തു ഇരുപത് മിനിറ്റോളം മാറ്റി വെയ്ക്കുക. ശേഷം ഒരു പാനിൽ വെളിച്ചെണ്ണയൊഴിച്ചു കൊഞ്ച് നല്ലതു പോലെ മൊരിച്ചെടുത്ത് മാറ്റി വെയ്ക്കുക. പിന്നീട് ഇതേ പാനിൽ സവാള ചെറുതായിട്ട് മൂപ്പിച്ചെടുക്കുക. ശേഷം കറിവേപ്പിലയും ചിരകിയ തേങ്ങയും മാറ്റി വെച്ച കൊഞ്ചും ചേർത്ത് ചെറുത്തീയിലിട്ടു അഞ്ച് മിനിറ്റോളം വഴറ്റുക. ഇതോടെ രുചിയൂറും കൊഞ്ച് തീയൽ റെഡി.