നിങ്ങൾക്ക് ഐസ് കഴിക്കുന്ന ശീലമുണ്ടോ ? എന്നാൽ അത് അത്ര നല്ല ശീലമല്ല. ഐസ് കഴിക്കുന്നതിലൂടെ നിരവധി ആരോഗ്യ പ്രശ്നങ്ങളാകും പിടിപെടുക. ഈ ശീലം തീര്‍ത്തും ഒഴിവാക്കുന്നതാണ് ആരോഗ്യത്തിന് നല്ലതെന്ന് ഡോക്ടർമാർ ചൂണ്ടിക്കാട്ടുന്നു. വെറുതെ ഐസ് കഷ്ണങ്ങള്‍ കഴിക്കുന്നതിനെ ഒരുതരം ഈറ്റിങ് ഡിസോർഡറായാണ് വൈദ്യശാസ്ത്രം കണക്കാക്കുന്നത്. Pagophagia എന്നാണ് ഇതിനു പറയുന്നത്. ആഹാരം അല്ലാതെ മറ്റെന്തെങ്കിലും വസ്തുക്കളോട് തോന്നുന്ന ആകര്‍ഷണമാണ് Pagophagia. അത് ഐസ് ആകാം മുടിയോ, അഴുക്കോ അങ്ങനെ എന്തുമാകാം. ഇത്തരം പ്രശ്നങ്ങള്‍ മാനസികമോ ശാരീരികമോ ആയ എന്തെങ്കിലും സ്വാധീനം കൊണ്ടാകാം ഉണ്ടാകുന്നത്.
ഐസ് കഴിക്കുന്ന ശീലം വളരെ അപൂര്‍വം പേരില്‍ കാണപ്പെടുന്നതാണ്. എന്നാല്‍ ഇതിനു പിന്നില്‍ വളരെ ഗുരുതരമായ ചില ആരോഗ്യപ്രശ്നങ്ങള്‍ ഉണ്ടെന്നു വിദഗ്ധര്‍ പറയുന്നു.
ഐസ് കഴിക്കുന്നവര്‍ക്ക് വിളര്‍ച്ച അല്ലെങ്കില്‍ അനീമിയയുടെ സാധ്യതയുണ്ട്.
മൂര്‍ച്ചയേറിയ ഭാഗങ്ങളുള്ള ഐസ് കഷ്ണങ്ങള്‍ കഴിക്കുമ്പോള്‍ മോണ മുറിയാന്‍ സാധ്യത ഇരട്ടിയാണ്. ഒപ്പം ഇത് മോണയില്‍ അണുബാധയും ഉണ്ടാക്കും.
പല്ലിലെ ഇനാമല്‍ നഷ്ടമാകാന്‍ ഏറ്റവുമധികം സാധ്യതയുള്ളത് ഐസ് കഴിക്കുമ്പോഴാണ്. പല്ലിന്റെ സ്വാഭാവികത പോലും ഇതുമൂലം നഷ്ടമാകും.
വായിലോ നാക്കിലോ മുറിവുകള്‍ ഉണ്ടായാല്‍ ഐസ് വെയ്ക്കുന്ന ശീലം ചിലര്‍ക്കുണ്ട്. ഇത് സത്യത്തില്‍ വലിയ ഗുണമൊന്നും നല്‍കില്ല. തല്‍ക്കാലം ആശ്വാസം ലഭിക്കും എന്നല്ലാതെ ഇതൊരു ചികിത്സ അല്ല. എന്തെങ്കിലും പ്രശ്നങ്ങള്‍ വായില്‍ ഉണ്ടായാല്‍ ഒരു ഡോക്ടറെ കണ്ടു പരിശോധിപ്പിക്കുക.
പല്ലിലെ ഇനാമല്‍ നഷ്ടമാകാന്‍ ഏറ്റവുമധികം സാധ്യതയുള്ളത് ഐസ് കഴിക്കുമ്പോഴാണ്. അതുപോലെ പല്ലില്‍ പുളിപ്പ് അനുഭവപ്പെടാന്‍ ഈ ശീലം കൊണ്ട് സാധിക്കും. ചിലപ്പോള്‍ വിള്ളല്‍ വീഴാനും പല്ല് ഒടിയാനും കാരണമാകും.
അതേസമയം, ഐസ് കഴിക്കുന്നതും ഐസ് ഊറി കഴിക്കുന്നതും വ്യത്യാസമാണ്. വായ്‌ വല്ലാതെ ഡ്രൈ ആകുമ്പോഴും മറ്റും ചിലര്‍ ഐസ് പതിയെ വായില്‍ വയ്ക്കാറുണ്ട്‌. ഇത് ഒരിക്കലും ഒരു ഡിസോർഡറല്ല എന്നും വിദഗ്ദര്‍ ഓര്‍മിപ്പിക്കുന്നു.