അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലോകത്തിലെ ഏറ്റവും ആരോഗ്യകരമായ ഒരു പഴമാണ് ഈന്തപ്പഴം. ഇത് പതിവായി കഴിക്കുന്നത് ശരീരത്തിന്‍റെ മൊത്തത്തിലുള്ള ആരോഗ്യത്തിന് വളരെയധികം ഗുണം ചെയ്യും. ഇരുമ്പ്, പൊട്ടാസ്യം, മഗ്നീഷ്യം, ഫൈബർ, കാൽസ്യം വിറ്റാമിനുകളായ സി, ബി1,ബി2, ബി3, ബി5, എ, കെ എന്നിവയുടെ സമ്പന്ന ഉറവിടമാണിത്.
ആന്‍റി ഓക്‌സിഡന്‍റുകളുടെ കലവറയായ ഈന്തപ്പഴം ശരീരത്തെ ഫ്രീ റാഡിക്കലുകളിൽ നിന്ന് സംരക്ഷിക്കുകയും രോഗപ്രതിരോധശേഷി വർധിപ്പിക്കുകയും ചെയ്യുന്നു. ഇതിൽ ഉയർന്ന അളവിൽ ഊർജ്ജവും അടങ്ങിയിട്ടുണ്ട്. അതിനാൽ ദിവസേന ഈന്തപ്പഴം കഴിക്കുന്നത് ദിവസം മുഴുവൻ ഊർജ്ജം നിലനിർത്താൻ സഹായിക്കും.
മിതമായ അളവില്‍ പ്രമേഹരോഗികള്‍ക്കു പോലും ഇത് സുരക്ഷിതമായി കഴിക്കാം. ഇത് ശരീരഭാരവും രക്തത്തിലെ പഞ്ചസാരയും നിയന്ത്രിക്കാന്‍ സഹായിക്കും. ഈന്തപ്പഴത്തിന് ഇൻസുലിൻ ഉൽപാദനം വർധിപ്പിക്കാനുള്ള കഴിവുണ്ട്, കൂടാതെ കുടലിൽ നിന്ന് ഗ്ലൂക്കോസ് ആഗിരണം ചെയ്യുന്നതിന്റെ തോത് കുറയ്ക്കാനും ഈന്തപ്പഴത്തിന് കഴിയുമെന്ന് പഠനങ്ങള്‍ പറയുന്നു.
പതിവായി ഈന്തപ്പഴം കഴിക്കുന്നത് ഹൃദയ സംബന്ധമായ അസുഖങ്ങൾ ഇല്ലാതാക്കാൻ സഹായിക്കും. ഈന്തപ്പഴത്തിൽ ഗ്ലൈസെമിക് സൂചിക കുറഞ്ഞ അളവിലായതിനാൽ മിതമായ അളവിൽ പ്രമേഹ രോഗികൾക്കും കഴിക്കാം. രക്തത്തിലെ പഞ്ചസാരയുടെ അളവ് നിയന്ത്രിക്കാനുള്ള കഴിവും ഈന്തപ്പഴത്തിനുണ്ട്. ദഹനപ്രക്രിയ മെച്ചപ്പെടുത്താനും കൊളസ്‌ട്രോൾ കുറയ്ക്കാനും മലബന്ധ പ്രശ്‌നങ്ങൾ പരിഹരിക്കാനും ഇത് സഹായിക്കും.
കണ്ണുകളുടെ ആരോഗ്യം നശിപ്പിക്കുന്ന മാക്യുലർ ഡീജനറേഷന്റെ സാധ്യതകളെ ഗണ്യമായി കുറയ്ക്കുന്നതിനുള്ള കഴിവിന് പേരുകേട്ട കരോട്ടിനോയിഡുകളും ഈന്തപ്പഴത്തില്‍ ധാരാളം അടങ്ങിയിരിക്കുന്നു. ഗർഭിണികളുടെ ഭക്ഷണത്തിൽ ഈന്തപ്പഴം ഉൾപ്പെടുത്തുന്നത് പ്രസവസമയത്തെ സമ്മർദം കുറയ്ക്കാൻ സഹായിക്കുമെന്ന് പഠനങ്ങൾ സൂചിപ്പിക്കുന്നു.
എല്ലുകളെ ശക്തിപ്പെടുത്താനും രക്തസമ്മർദ്ദം നിയന്ത്രിക്കാനും ഈന്തപ്പഴം ഗുണകരമാണ്. ഇതിൽ തൽക്ഷണ ഊർജ്ജം നൽകുന്ന പ്രകൃതിദത്ത പഞ്ചസാര അടങ്ങിയിട്ടുണ്ട്. അതിനാൽ അത്ലറ്റുകളും വ്യായാമം ചെയ്യുന്നവരും പതിവായി ഇത് കഴിക്കുന്നത് നല്ലതാണ്. ഇതിൽ അടങ്ങിയിരിക്കുന്ന അമിനോ ആസിഡുകളും പ്രോട്ടീനുകളും പേശികളെ ശക്തിപ്പെടുത്താൻ സഹായിക്കും.
