മുരിങ്ങയില വെച്ച് ചമ്മന്തി തയ്യാറാക്കിയിട്ടുണ്ടോ? കിടിലൻ സ്വാദാണ്. എന്നും തോരനും കറിയുമെല്ലാം അല്ലെ തയ്യാറാക്കുന്നത്. അല്പം വ്യത്യസ്തമായി ഒരു റെസിപ്പി നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
അടികട്ടിയുള്ള ഒരു പാത്രം അടുപ്പിൽ വെച്ച് അൽപം എണ്ണയൊഴിക്കാം. അതിലേയ്ക്ക് ഒരു ടേബിൾസ്പൂൺ കടലപരിപ്പ്, ഒരു ടേബിൾസ്പൂൺ ഉഴുന്ന് പരിപ്പ് എന്നിവ ചേർത്ത് വറുക്കാം. പരിപ്പിൻ്റെ നിറം മാറി വരുമ്പോങ്ങ സവാള, ഇഞ്ചി, വെളുത്തുള്ളി എന്നിവ ചെറുതായി അരിഞ്ഞതും, വറ്റൽമുളകും ചേർത്തിളക്കാം. മുരിങ്ങയില കമ്പിൽ നിന്നും വേർപെടുത്തി വൃത്തിയായി കഴുകിയെടുക്കാം.
അതുകൂടി പാനിലേയ്ക്ക് ചേർത്ത് വഴറ്റാം. ചെറിയ കഷ്ണം വാളംപുളി, കാൽ കപ്പ് തേങ്ങ ചിരകിയത് എന്നിവ ചേർത്ത് ഇടത്തരം തീയിൽ വേവിച്ചെടുത്ത് തണുക്കാൻ മാറ്റി വെയ്ക്കാം. അൽപ്പം തണുത്തതിന് ശേഷം അരച്ചെടുക്കാം. മറ്റൊരു പാൻ അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി കറിവേപ്പില, ഉഴുന്നു പരിപ്പ്, കടുക്, അൽപ്പം കായം എന്നിവ വറുത്തെടുത്ത് മുരിങ്ങയില അരച്ചതിലേയ്ക്ക് ചേർക്കാം. ചൂട് ചോറിനൊപ്പം ഈ ചമ്മന്തി കഴിക്കാം.